नाशिक : जिल्ह्यातील नव्याने आढळणाऱ्या कोरोनाबाधितांची दैनंदिन सरासरी शंभरपर्यंत आहे. बुधवारी (ता. ८) जिल्ह्यात १०२ रुग्णांचे अहवाल पॉझिटिव्ह आले. ९८ रुग्णांनी कोरोनावर मात केली, तर दोन बाधितांचा उपचारादरम्यान मृत्यू झाल्याची नोंद आहे. सद्यःस्थितीत जिल्ह्यात ९२८ बाधितांवर उपचार सुरू आहेत.
बुधवारी नाशिक महापालिका क्षेत्रातील ५० रुग्णांचे अहवाल पॉझिटिव्ह आले. ग्रामीण भागातील रुग्णांच्या संख्येत काही प्रमाणात घट झाली असून, दिवसभरात ४८ रुग्णांना लागण झाली. जिल्हाबाहेरील चौघांचे अहवाल पॉझिटिव्ह आले असून, मालेगावला नव्याने बाधित आढळला नाही. जिल्ह्यातील दोन मृतांमध्ये नाशिक महापालिका क्षेत्रातील व नाशिक ग्रामीणमधील प्रत्येकी एकाचा समावेश आहे. सायंकाळी उशिरापर्यंत ७७९ रुग्णांचे अहवाल प्रलंबित होते. यापैकी नाशिक ग्रामीणमधील ४१५, मालेगावच्या १८३, नाशिक शहरातील १८१ रुग्णांना अहवालाची प्रतीक्षा होती. जिल्हाभरातील रुग्णालये व गृहविलगीकरणात ६८० रुग्ण दाखल झाले. यात नाशिक महापालिका क्षेत्रातील ६५९ रुग्णांचा समावेश आहे. जिल्हा रुग्णालयात आठ रुग्ण दाखल झाले. डॉ. वसंत पवार वैद्यकीय महाविद्यालयात दोन रुग्ण दाखल झाले. नाशिक ग्रामीणमधील ११ रुग्णांचा समावेश होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.