नाशिक : कोरोनाच्या पार्श्‍वभूमीवर राज्य सरकारकडून आर्थिक आणीबाणी जाहीर होण्याचे संकेत मिळत असताना महापालिकेला मिळणाऱ्या जीएसटी अनुदानावर टाच येईल, अशी व्यक्त केली जाणारी भीती व्यर्थ ठरली आहे. एप्रिलचे 84.55 कोटींचे अनुदान महापालिकेला गेल्या आठवड्यात प्राप्त झाले असून, यात आणखी एक विशेष बाब म्हणजे दरवर्षीप्रमाणे यंदाही आठ टक्के वाढ करण्यात आली आहे.
आर्थिक चिंतेचे सावट दूर
राज्य शासनातर्फे महापालिकेला जीएसटी स्वरूपात अनुदान प्राप्त होते. महापालिकेच्या वार्षिक उत्पन्नात सर्वाधिक वाटा जीएसटी अनुदानाचा आहे. जीएसटी अनुदानातून वर्षाला तब्बल नऊशे कोटींपेक्षा अधिक महसूल महापालिकेला मिळतो. त्यामुळे वेतनासह विकासकामांचा साठ टक्के प्रश्‍न यातून मार्गी लागतो. देशभरात लॉकडाउन जाहीर झाल्याने महापालिकेवरही आर्थिक संकट कोसळले. मार्चमध्ये घरपट्टी व पाणीपट्टीची पुरेशी वसुली झाली नाही. त्यात शासनाने कोरोनामुळे शासन कर्मचाऱ्यांच्या वेतनात कपात करण्याचा निर्णय घेतल्याने चिंतेत अधिक भर पडली होती. महापालिकेचे अंदाजपत्रकही बदलण्याची शक्‍यता निर्माण होत असताना शासनाने महापालिकेला जीएसटी अनुदानाचा हप्ता गेल्या आठवड्यात अदा केल्याने चिंतेचे सावट काही प्रमाणात दूर झाले आहे.
अनुदानात आठ टक्के वाढ
जीएसटी अनुदान मिळते की नाही, याबाबत साशंकता व्यक्त होत असताना 84.55 कोटी मासिक हप्ता तिजोरीत जमा झाला. विशेष म्हणजे, गेल्या वर्षाच्या तुलनेत आठ टक्के वाढ गृहित धरून अनुदान प्राप्त झाले आहे. गेल्या वर्षी दरमहा 78.66 कोटी रुपये जीएसटी अनुदान प्राप्त होत होते. दरम्यान, वेतन कपातीसंदर्भात शासनाकडून महापालिकेला कुठलेच आदेश प्राप्त झाले नसल्याने कर्मचाऱ्यांना शंभर टक्के वेतन मिळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.