नाशिक : सराईत गुन्हेगार व सातपूर पोलिस ठाण्यात दाखल असलेल्या मोकातील संशयित जयेश ऊर्फ जया हिरामण दिवे (रा. सिद्धी टॉवर, इंद्रकुंड, पंचवटी) यास गुन्हे शाखा युनिट एकच्या पथकाने अटक केली आहे. (criminal Dive arrested from Mhasrul Nashik Crime News)

हेही वाचा : शेअर बाजारात सततचे लाॅसेस? मग यापैकी कुठली चूक होतेय? घ्या जाणून

सातपूर पोलिस ठाण्यात खंडणीप्रकरणी दाखल गुन्ह्यात दिवे याचा पोलिस शोध घेत होते. भाजप पदाधिकारी विक्रम नागरे यांना धमकावत त्यांच्याकडे खंडणी मागितल्याप्रकरणी सातपूर पोलिस ठाण्यात दोन गुन्हे दाखल आहेत.

पोलिसांनी या गुन्ह्यात मोकानुसार कारवाई करीत संशयितांची धरपकड सुरू केली आहे. त्यानुसार गुन्हे शाखा युनिट एकच्या पथकातील अंमलदार विशाल देवरे यांना मिळालेल्या माहितीनुसार, संशयित जया दिवे हा म्हसरुळ आडगाव लिंक रोडवरील म्हाडा इमारतीसमोर येणार असल्याची माहिती समजली.

त्यानुसार पोलिस निरीक्षक विजय ढमाळ, प्रवीण वाघमारे, प्रदीप म्हसदे, आसिफ तांबोळी, नाझिम पठाण, प्रशांत मरकड, विशाल देवरे, महेश साळुंके यांच्या पथकाने सापळा रचून जया दिवे यास पकडले. त्याचा ताबा अंबड विभागाचे सहायक पोलिस आयुक्तांकडे देण्यात आला आहे. जया दिवे याच्याविरुद्ध १४ गंभीर गुन्ह्यांची नोंद आहे.