Nashik News : विजेची केबल नादुरुस्त झाल्याने सलग दुसऱ्या दिवशी इंदिरानगरच्या आजूबाजूचा बहुतांश परिसर पाच तासांपेक्षा जास्त वेळ अंधारात राहिला. उन्हामुळे उकाड्याने हैराण झालेल्या इंदिरानगरवासीयांना मोठा मनस्ताप सहन करावा लागला.

उन्हाळ्यामुळे सायंकाळीच व्यवसायाची संधी मिळत असल्याने व्यावसायिकांचेही मोठे नुकसान झाले. (Darkness in Indiranagar area due to burnt cable Nashik News)

हेही वाचा : Credit Card फसवणूक....काय घ्याल काळजी?

रविवारी सायंकाळी पाचच्या सुमारास द्वारका येथील तिगरानिया उपकेंद्राजवळ उच्चदाबाच्या वाहिनीत बिघाड झाल्याने ही वाहिनी जळाली. त्यामुळे द्वारका तसेच टाकळी उपकेंद्रांतर्गत येणाऱ्या द्वारकापासून इंदिरानगर, डीजीपीनगर, अशोका मार्ग, विनयनगर, वडाळा आदी भागांतील बहुतांश ठिकाणचा वीजपुरवठा खंडित झाला.

रात्री उशिरापर्यंत युद्धपातळीवर दुरुस्तीचे काम सुरू असल्याची माहिती माजी नगरसेवक यशवंत निकुळे यांनी दिली. शनिवारीही (ता. १९) इंदिरानगर जॉगिंग ट्रॅकजवळ असलेल्या परशुराम चौकात टँकरने झाडाला धडक दिल्याने उच्च दाबाची विजेची वाहिनी नादुरुस्त झाली होती.

त्यामुळे तब्बल पाच तास वीजपुरवठा खंडित झाला होता. सलग दोन दिवस हा प्रकार घडल्याने नागरिक कमालीचे हैराण आहेत. याप्रकरणी सरकारवाडा पोलिसात अकस्मात मृत्यूची नोंद करण्यात आली आहे.