सिल्लोड : ट्रॅक्टरच्या चाकाखाली दबल्याने एका तरुणाचा मृत्यू झाल्याची घटना पूर्णा नदीवरील सिसाखेडा रस्त्यावर शुक्रवारी (ता.१९) मध्यरात्रीच्या सुमारास घडली. सोमीनाथ रामदास साखळे (वय-२१, रा.सिसारखेडा ता.सिल्लोड) असे मृत्यू झालेल्या तरुणाचे नाव आहे. सूत्रांनी दिलेल्या माहितीनुसार पूर्णा नदीपात्रातून वाळू वाहतूक करणाऱ्या ट्रॅक्टरच्या खाली सापडल्यामुळे शुक्रवारी मध्यरात्रीच्या सुमारास पूर्णा नदीच्यावर सिसाखेडा रस्त्यावर हा अपघात घडला.
यामध्ये सोमीनाथ गंभीर जखमी झाला होता. जखमी अवस्थेत त्यास सिल्लोड येथील उपजिल्हा रुग्णालयात दाखल करण्यात आले असता, उपचारादरम्यान त्याचा मृत्यू झाला. याप्रकरणी सिल्लोड ग्रामीण पोलिस ठाण्यात आकस्मात मृत्यूची नोंद करण्यात आली असून, पुढील तपास फौजदार लक्ष्मण कीर्तने करीत आहे.
याबाबत ग्रामीण पोलिस ठाण्याचे सहायक पोलिस निरीक्षक प्रल्हाद मुंडे यांच्याशी संपर्क साधला असता याप्रकरणी चौकशी करून पुढील कारवाई करणार असल्याचे त्यांनी सांगितले. घटनेत मयत झालेल्या सोमीनाथ साखळे याचे चार दिवसांनंतर लग्न होणार होते. लहानपणीच वडिलांचे छत्र हरवलेल्या एकुलत्या एक मुलाचा आईने सांभाळ केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.