नाशिक : (गणुर) गेल्या दोन दिवसांपासून ढवळून निघालेल्या चांदवड नगरपरिषद वातावरण वेगळ्या वळणावर येऊन थांबले आहे. स्वपक्षीय नगरसेवकांनीच भूषण कासलीवाल यांच्यावर अविश्वास ठराव आणण्याची तयारी केल्याने अखेर त्यांनी आज गुरुवारी (ता.15) सायंकाळी नगरपरिषद मुख्याधिकारी अभिजित कदम यांच्याकडे उपनगराध्यक्ष पदाचा राजीनामा दिला.
याचे उत्तर चांदवडकर येत्या काळात देणार...
चांदवड नगरपरिषद निवडणुकीत निवडून आल्यानंतर गेली काही वर्षे शहराच्या विकासात महत्वाची भूमिका बजावणाऱ्या भूषण कासलीवाल यांच्या विरोधात त्यांच्याच पक्षाच्या नगरसेविका विरोधी गटात जाऊन मिळाल्या. जिल्हाधिकारी यांच्याकडे स्थापन केलेल्या गटातील नगरसेविका इंदूबाई वाघ, सुनीता पवार, जयश्री हांडगे यांनी अविश्वास ठरावाची तयारी केल्याने भूषण कासलीवाल व्यथित झाले होते. इतक्या दिवस भाजपा पक्षाचे सरकार असतांना शहरासाठी विकासनिधी आणणारे कासलीवाल सर्वांना चालले मात्र, निवडणूक तोंडावर असतांना माझ्यावर अविश्वास दाखवला जातो, हे धक्कादायक आहे. याबाबतचे उत्तर चांदवडकर येत्या काळात देतील, असे कासलीवाल यांनी राजीनाम्यापूर्वी घेतलेल्या पत्रकार परिषदेत सांगितले.
दरम्यान उद्या होणाऱ्या विशेष बैठकीपूर्वीच राजीनामा देऊन भूषण कासलीवाल यांनी विरोधकांच्या खेळीच्या एक पाऊल पुढे टाकल्याची चर्चा चांदवडमध्ये आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.