नाशिक/ जेल रोड : चिकन व मांस खाल्ल्यामुळे कोरोनाची लागण होते, अशी अफवा पसरल्याने चिकन व मांस खाणाऱ्यांची संख्या रोडावली आहे. त्यामुळे चिकन व मटण खाण्यामुळे कोरोना व्हायरसची लागण होत नाही. चिकन खाण्याला प्रोत्साहन देण्यासाठी जेल रोडला राजराजेश्‍वरी चौकात एस. एस. चिकन सेंटरच्या विक्रेत्याने शक्कल लढवून चक्क जिवंत कोंबड्याचे वाटप केले. 

चिकनला प्रोत्साहन देण्यासाठी मांसविक्रेत्याची शक्कल 
एरवी कोरोनामुळे चिकन खरेदी करण्यासाठी नाक मुरडणाऱ्यांनी मात्र जिवंत कोंबडी घेण्यासाठी एकच गर्दी केल्याने काही काळ झुंबड उडाली. जगभरात कोरोनामुळे कुक्कुटपालन व्यावसायिक चिकनचे दर झपाट्याने उतरल्याने चिंताग्रस्त आहेत. चिकनचे दर 120 वरून 40 रुपये किलो झाले. चिकन खाण्याला प्रोत्साहन देण्यासाठी जेल रोडला जिवंत कोंबडीवाटप केल्याची बातमी परिसरात वाऱ्यासारखी पसरली अन्‌ क्षणात मोफत कोंबडी घेण्यासाठी गर्दी दाटली. या शक्कलमुळे क्षणभर तरी कोरोना अन्‌ कोंबडी (चिकन) यांचा दूरपर्यंत संबंध नसल्याचा प्रत्यय आला. प्रत्येक जण कोंबडी घेण्यासाठी धडपडताना दिसून आला.  

 क्लिक करा >VIDEO : भयंकर प्रकार! निर्दयीपणे 'ते' तरुणाला भरचौकात मारत होते..अन् व्हिडीओ झाला व्हायरल.. 

 क्लिक करा > VIDEO : जावईबापू म्हणतात.."मी गाढवावरून मिरवणार..सगळ्यांचीच जिरवणार" "शंभर वर्षांची प्रथा आहे हो!"