दिंडोरी (जि. नाशिक) : उमराळे खुर्द येथे दिंडोरी पोलिसांनी धडक कारवाई करत कत्तलखान्यात (slaughterhouse) नेण्याच्या तयारीत असताना डांबून ठेवलेल्या बारा जनावरांची (Animals) मुक्तता केली. (Dindori police saved 12 animals kept for slaughter Nashik News)

येथील सुभाष शार्दुल यांच्या पत्र्याच्या शेडमध्ये गोवंश जातीचा बारा जनावरे डांबून ठेवण्यात आली होती. तीन जनावरे महिंद्रा पीकअपमधून वाहतूक करणार असल्याची गुप्त माहिती दिंडोरी पोलिसांना कळली. पोलिस निरीक्षक प्रमोद वाघ यांच्या मार्गदर्शनाखाली सहायक पोलिस निरीक्षक तुळशीराम जाधव, पोलिस नाईक सुदाम धुमाळ, पोलिस नाईक संदीप कडाळे, पोलिस शिपाई मधुकर बेंडकुळे, पोलिस शिपाई अविनाश आहेर यांनी कारवाई केली. यात पीकअपसह सर्व जनावरे ताब्यात घेऊन गोशाळेत रवाना करण्यात आली. सहायक पोलिस निरीक्षक चेतन लोखंडे तपास करीत आहेत.