नाशिक : शहरांमध्ये कोरोना संसर्गाचे (corona death) किती बळी गेले याबाबत प्रशासनाकडे कुठल्याही प्रकारची माहिती नसल्याचा प्रकार समोर आल्यानंतर दुसरी धक्कादायक बाब समोर आली आहे. महापालिकेचे किती कर्मचारी कोरोनामुळे मृत झाले याची माहिती नगरसेवकांना देण्यात प्रशासन अपयशी ठरल्याने मृत्यूच्या आकडेवारी बाबतचा संशय व्यक्त केला जात आहे.(Doubt-on-Corona-deaths-nashik-marathi-news)
मृत झालेल्या नागरिकांच्या आकडा संदर्भात प्रश्न उपस्थित
सोमवारी (ता. ३१) झालेल्या ऑनलाइन महासभेत मनसेचे नगरसेवक सलीम शेख यांनी कोरोनामुळे मृत झालेल्या नागरिकांच्या आकडा संदर्भात प्रश्न उपस्थित केला. परंतु प्रशासनाकडून अपेक्षित माहिती मिळाली नाही. महापौर सतीश कुलकर्णी यांनी आरोग्य विभागाला सूचना दिल्यानंतरही टोलवाटोलवी करण्यात आली. वैद्यकीय विभागाने देखील अशा प्रकारची माहिती उपलब्ध नसल्याचे उत्तर दिल्याने नगरसेवकांच्या संतापाला प्रशासनाला सामोरे जावे लागले. कोरोनाकाळात सेवा देताना मृत झालेल्या कर्मचाऱ्यांच्या वारसांना महापालिकेच्या सेवेत सामावून घेण्याची मागणी सलीम शेख यांनी केली. दरम्यान महापालिकेच्या कर्मचाऱ्यांना दोन लाख रुपयांचे विमा संरक्षण देण्याचा नऊ महिने प्रलंबित असलेल्या सुधारीत प्रस्तावाला मंजुरी देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.