Nashik Political News : खारघरप्रकरणी राज्यातील काँग्रेस आक्रमक झाली असून, राज्यभरात काँग्रेसने सोमवारी (ता. २४) एकाच वेळी पत्रकार परिषद घेऊन राज्य सरकारवर हल्लाबोल केला.

खारघर घटनेची सत्य परिस्थिती जनतेसमोर आली पाहिजे. त्यामुळे भविष्यात असे प्रकार घडणार नाही, या सरकारवर सदोष मनुष्यवधाचा गुन्हा दाखल करावा. (dr shewale statement Chief Minister Deputy Chief Minister should resign Nashik Political News)

हेही वाचा : संतुलित आहारातून रोखा फॅटी लिव्हरचा आजार

या सर्व प्रकाराची उच्च न्यायालयीन समिती नेमून चौकशी होणे गरजेचे आहे व दोषींवर त्वरित कारवाई करावी. या गंभीर घटनेची जबाबदारी सरकारने घेऊन मुख्यमंत्री व उपमुख्यमंत्री यांनी त्वरित राजीनामा द्यावा, अशी मागणी जिल्हाध्यक्ष डॉ. तुषार शेवाळे व शहराध्यक्ष ॲड. आकाश छाजेड यांनी पत्रकार परिषदेत केली.

तसेच राज्यपाल यांनी विधान सभेचे विशेष अधिवेशन बोलविण्याची मागणी यावेळी त्यांनी केली. पत्रकार परिषदेस माजीमंत्री डॉ. शोभा बच्छाव, महिला शहराध्यक्ष स्वाती जाधव, राजेंद्र बागूल, ज्ञानेश्वर काळे, शरद बोडके, राजकुमार जेफ, अलत्मश शेख आदी उपस्थित होते.