नाशिक / निफाड : द्राक्षपंढरी असलेल्या नाशिक जिल्ह्यात पावसाळ्यात द्राक्षवेलींवर महागडे औषधे फवारायचे व ते पावसात धुतले जाते. यावर पर्याय म्हणून डस्टिंग मशिनद्वारे पावडर फवारली जाते. ट्रॅक्टरवरील हे मशिन लाखाच्या घरात जाते. वेळोवेळी येणाऱ्या नैसर्गिक आपत्ती व अन्य कारणांनी बेजार झालेल्या उत्पादकाला दिलासा देणारे तेही अवघ्या सहाशे रुपयात डस्टिंग मशिन बनविण्याचा आविष्कार केला आहे, तो गाजरवाडी (ता. निफाड) येथील युवा शेतकरी दिगंबर गाजरे यांनी. 

अवघ्या सहाशेत डस्टिंग मशिन 
द्राक्षपट्ट्यात खासकरून विविध प्रकारचे रोग येत असल्याने बागांवर फवारणी करण्याची नितांत गरज असते. जिल्ह्यात सुरू असलेल्या पावसामुळे फवारणी करण्यास अनेक अडचणींना शेतकऱ्यास सामोरे जावे लागत आहे. ही सर्व परिस्थिती लक्षात घेता गाजरे यांनी घरातील पातेले, डबा, स्क्रू, गलोरीचे रबर, पाइपचा टुकडा आदींच्या सहाय्याने डस्टिंग मशिन तयार केले. स्वत:च्या बागेवर डस्टिंग मशिनद्वारे फवारणी केली. लाखो रुपयांच्या मशिनला अवघ्या सहाशे रुपयांचा पर्याय देत हे मशिन द्राक्षबागांसह डाळिंब बागांसाठीही उपयुक्त असल्याचे गाजरे यांनी सांगितले. विशेष म्हणजे हे मशिन द्राक्षबागेसाठी फवारणी करणाऱ्या ट्रॅक्टरच्या ब्लोअरवर बसवले जाऊन बागांवर डस्टिंगही केले जाऊ शकते. 

गाजरवाडीच्या शेतकऱ्याने बनवलेले द्राक्ष बागेवरील डस्टिंग मशिन. 

द्राक्षासह डाळिंब पिकांवर पावसाळ्यात रोगांचा प्रादुर्भाव होतो. अशावेळी शेतकरी आपल्या बागांवर डस्टिंग मशिनद्वारे पावडर फवारणी करतात. याची किंमत १५ हजार ते १ लाखांपर्यंत आहे. मी फक्त सहशे रुपयांत हे मशिन तयार केले आहे. लाखाचे मशिन जे काम करते, तेच काम हे सहाशे रुपयांचे मशिनदेखील करणार आहे. - दिगंबर गाजरे, द्राक्ष उत्पादक शेतकरी 

हेही वाचा >  धक्कादायक! सासरच्यांनीच लेकीचा घातपात करुन विहिरीत फेकल्याचा पित्याचा आरोप; परिसरात खळबळ
 

मशिनसाठी लागणारे साहित्य 
२४ ते २६ इंच घमेले 
८ इंच पातीले 
१ इंची काँक 
१.इंची क्लिप 
५ लि काँन्टापचा डबा 
१ गलुरीसाठी लागणारे रबर 
८ स्क्रू  

हेही वाचा > गाई चारायला गेलेल्या प्रशांतच्या नशिबी असे दुर्दैव; घटनेनंतर गावात भयाण शांतता