Nashik News: महाराष्ट्र उद्योजकता विकास केंद्र नाशिक, मार्फत ज्या उद्योजकांना ई-सेवा (CSC केंद्र) या विषयामध्ये प्रशिक्षण घ्यायचे आहे त्यांच्यासाठी दि.२७ ते २९ डिसेंबर या कालावधीत ई-सेवा प्रशिक्षण कार्यक्रम प्रात्यक्षिकासह आयोजित करण्यात येत आहे. (E Service Demonstration Training Program through Maharashtra Entrepreneurship Development Center Nashik news)

सदर प्रशिक्षणात ई-सेवा आणि आपले स्वतःचे CSC केंद्र कसे सेट करावे, पॅन कार्ड, आधार स्मार्ट कार्ड, शॉप अॅक्ट लायसन्स, उद्योग नोंदणी, रेशन कार्ड, एमएसएमई नोंदणी, रोजगार कार्ड, पासपोर्ट, मतदान कार्ड, ईपीएफओ, कास्ट- व्हॅलिडिटी, ई-स्कॉलरशिप, आरटीई, आरटीआय फॉर्म, पोलीस/क्लिअरन्स सर्टिफिकेट, जीवन प्रमाणपत्र- जीवनप्रण, एनपीएस, सर्व प्रकारचे विमा-सामान्य/आरोग्य/जीवन/पीक सेवा, बैंकिंग कॉमन सर्व्हिस पॉइंट, जीएसटीआर, आयटीआर भरणे, शासकीय योजना आणि कार्यपद्धती उ‌द्योग व्यवसाय साठी आवश्यक शासकीय परवाने वा नोंदणी ई.बाबत तज्ञांमार्फत मार्गदर्शन करण्यात येईल.

यशस्वी प्रशिक्षणार्थीना एमसीईडीचे प्रमाणपत्र मिळेल. सदर प्रशिक्षणात भाग घेऊ इच्छिणाऱ्यांनी अधिक माहिती किंवा प्रवेशाकरिता कार्यक्रम समन्वयक महाराष्ट्र उद्योजकता विकास केंद्र, मोहिनी गांगुर्डे यांच्याशी ११, उद्योग भवन, आय.टी. आय.सिग्नल जवळ, त्र्यंबक रोड, सातपूर, नाशिक मो. ८७६६७३८३१८ व कार्यालय दूरध्वनी क्र. ०२५३-२९२९७३४९५ वर संपर्क साधावा असे आवाहन प्रकल्प अधिकारी महाराष्ट्र उ‌द्योजकता विकास केंद्र, नाशिक यांचे मार्फत करण्यात आलेले आहे.