Nashik Earthquake : आज (बुधवार) पहाटे नाशिकमध्ये भूकंपाचे धक्के जाणवले. या भूकंपाची तीव्रता रिश्टर स्केलवर 3.6 इतकी मोजली गेलीय. नॅशनल सेंटर फॉर सिस्मॉलॉजीनं (National Center for Seismology) दिलेल्या माहितीनुसार, नाशिकच्या पश्चिमेला 89 किमी अंतरावर आज पहाटे 4.4 च्या सुमारास 3.6 रिश्टर स्केलचा भूकंप झाला.

या भूकंपामुळं नागरिकांमध्ये भीतीचं वातावरण आहे. भूकंपाची खोली जमिनीखाली 5 किमी होती. तर यासंबंधी अधिक माहिती गोळा करण्याचं काम सुरू आहे. दरम्यान, यामुळं कोणतीही जीवितहानी झाली नाही. मात्र, नागरिकांमध्ये भीती कायम आहे.

भूकंपाच्या धक्क्यांनी पालघर हादरलं

आज पालघरही भूकंपाच्या धक्क्यांनी हादरलं असून संपूर्ण परिसरात भीतीचं वातावरण पसरलं आहे. पालघर जिल्ह्यातील डहाणू, तलासरी तालुक्यात भूकंपाचे धक्के जाणवले. 3.6 रिश्टर स्केलचे भूकंपाचे धक्के जाणवले असून नागरिक भयभीत झाले आहेत. पालघरमध्ये आज पहाटे 4 वाजून 4 मिनिटांनी पुन्हा एकदा भूकंपाचा धक्का जाणवला आहे. डहाणू, कासा, आंबोली, धानिवरी, उर्से, धुंदलवाडी, घोलवड, तलासरी बोर्डी या परिसरात 3.6 रिश्टर स्केल इतक्या तीव्रतेचा धक्के जाणवले. यामुळं नागरिकांमध्ये भीतीचं वातावरण निर्माण झालंय.