CS Course Result : इन्स्टिट्यूट ऑफ कंपनी सेक्रेटरीज ऑफ इंडिया यांच्यातर्फे कंपनी सेक्रेटरीज (सीएस) या अभ्यासक्रमातील सीएस प्रोफेशनल आणि सीएस एक्झिक्युटिव्ह या परीक्षांचा निकाल शुक्रवारी (ता. २५) जाहीर करण्यात आला.

या वर्षी या दोन्ही परीक्षांचा निकाल खालावला असल्याचे जाणकारांचे म्हणणे आहे. नाशिकच्या विद्यार्थ्यांनी उत्तीर्ण होताना या परीक्षेत घवघवीत यश मिळविले आहे. (Effect of CS Professional Executive on Result Expert opinion nashik)

यापूर्वी ऑगस्टच्या पहिल्या आठवड्यात सीएस प्रवेश परीक्षेचा निकाल जाहीर करण्यात आला होता. त्या पाठोपाठ शुक्रवारी सीएस प्रोफेशनल आणि एक्झिक्युटिव्ह या परीक्षांचा निकालही जाहीर करण्यात आला आहे.

१ ते १० जून या कालावधीत ही परीक्षा घेण्यात आली होती. नाशिकमधून सीएस एक्झिक्युटिव्ह स्तर उत्तीर्ण झालेल्या विद्यार्थ्यांमध्ये नताशा भाटिया, चिन्मयी जावळे, प्राची पगारे, सलोनी मेंद, शिवम खांबेकर यांचा समावेश आहे.

हेही वाचा : Credit Card फसवणूक....काय घ्याल काळजी?

सीएस प्रोफेशनलचा तिसरा गट (मॉड्यूल ३) उत्तीर्ण झालेल्या विद्यार्थ्यांमध्ये गंधाली आफळे आणि धनश्री क्षत्रिय यांचा समावेश आहे. या सर्व विद्यार्थ्यांना नाशिक येथील सीएस श्रेष्ठी सुराणा यांचे मार्गदर्शन लाभले.

संपूर्ण भारतातील एकूण निकाल कमालीचा घसरला आहे. सीएस प्रोफेशनलमध्ये मॉड्यूल एकमध्ये ९.०७ टक्के विद्यार्थी उत्तीर्ण झाले आहेत; तर मॉड्यूल दोनमध्ये ७.८६ टक्के आणि मॉड्यूल तीनमध्ये १३.११ टक्के विद्यार्थी उत्तीर्ण झाले.

सीएस एक्झिक्युटिव्ह परीक्षेच्या मॉड्यूल एकचा निकाल ५.८५ टक्के, तर मॉड्यूल दोनचा निकाल १३.०५ टक्के लागला आहे.