नाशिक : औरंगाबाद रोडवरील जनार्दन स्वामी आश्रमाजवळ रस्ता ओलांडताना दुचाकीच्या धडकेत वृद्ध महिला ठार झाल्याची घटना घडली. अंजनाबाई रामनाथ काकड (७२,रा. जायेगाव, ता. सिन्नर, जि. नाशिक) असे मयत वृद्ध महिलेचे नाव आहे. (Elderly woman killed in two wheeler collision Nashik Latest Marathi News)

गेल्या गुरुवारी (ता. १०) दुपारी साडे बारा वाजेच्या सुमारास अंजनाबाई व रामनाथ काकड हे दोघे औरंगाबाद रोडवरील जनार्धन स्वामी आश्रमाजवळ असलेल्या आयकॉन स्टाईलसमोर असलेल्या बसथांब्यासमोरून रस्ता क्रॉस करीत होते. त्यावेळी समोरून आलेल्या दुचाकीने अंजनाबाई यांना धडक दिली. या अपघातामध्ये त्यांच्या डोक्याला गंभीर दुखापत झाली. त्यांना उपचारासाठी समृद्धी हॉस्पिटलमध्ये दाखल केले असता, त्यांच्यावर उपचार सुरू असताना रात्री त्यांचा मृत्यु झाला. याप्रकरणी आडगाव पोलिसात डॉ. पंकज करनकाळ यांच्या तक्रारीनुसार अकस्मात मृत्युची नोंद करण्यात आली आहे. सहायक उपनिरीक्षक टी. के. गायकवाड हे पुढील तपास करीत आहेत.