नाशिक / देवळालीगाव : लॉकडाउनच्या काळात वाहतूक सेवा बंद असल्याने आर्थिक संकटामुळे मुदत संपलेल्या वाहनांच्या कागदपत्रांच्या नूतनीकरणासाठी केंद्रीय परिवहन मंत्रालयाने 30 सप्टेंबरपर्यंत मुदत वाढवली आहे. परंतु लॉकडाउनच्या काळात रिक्षा-टॅक्‍सीचालकांवर उपासमारीची वेळ आल्याने नूतनीकरणाची मुदत वाढविण्यासाठी संघटनेकडून आग्रह करण्यात येत आहे.

रिक्षा-टॅक्‍सी संघटनेचा आग्रह 
 राज्य शासनाने लॉकडाउनच्या पाचव्या टप्प्यात सोमवार (ता. 8)पासून "मिशन बिगेन अगेन' मोहिमेद्वारे रिक्षा-टॅक्‍सीचालकांना दोनच प्रवासी वाहून नेण्याची परवानगी दिली आहे. राज्यांतर्गत रेल्वेसेवा व बससेवा बंद असल्याने प्रवाशांअभावी रेल्वेस्थानक व बसस्थानक ओस पडली आहेत, अशा परिस्थितीत दोनच प्रवाशांवर व्यवसाय करून कुटुंबीयांचा उदरनिर्वाह, बॅंकेचे कर्ज-हप्ते, दवाखाना-आरोग्य, घरभाडे, वीजबिल, पाणीबिल, मुलांचे शिक्षण आदींसह रिक्षा-टॅक्‍सीच्या कागदपत्रांची पूर्तता करणे अशा आणीबाणीच्या कालावधीत अतिशय अवघड व आर्थिक अडचणीचे बनले आहे. त्यामुळे 31 डिसेंबरपर्यंत वाहनांच्या प्रमाणपत्रांच्या नूतनीकरणासाठी मुदतवाढ द्यावी, अशी मागणी होत आहे. 30 सप्टेंबरऐवजी 31 डिसेंबरपर्यंत वाढवावी, अशी मागणी रिक्षा-टॅक्‍सीचालकांनी केली आहे.

 हेही वाचा > PHOTOS : दुर्दैवी घटना! पोलीस अधिकारीच्या गाडीचा अक्षरश: चेंदामेंदा..सुट्टीनिमित्त घरी जातानाच काळाचा घाला..पाहा

प्रत्येकी दहा हजारांची मदत
लॉकडाउनमुळे हातावर पोट असलेल्या रिक्षा-टॅक्‍सीचालकांच्या कुटुंबीयांवर आर्थिक संकटामुळे उपासमारीची वेळ आली. वाहनांच्या कागदपत्रांची मुदतवाढ 31 डिसेंबरपर्यंत वाढवावी. महाराष्ट्र शासनाने आंध्र प्रदेश सरकारच्या धर्तीवर रिक्षा-टॅक्‍सीचालकांना प्रत्येकी दहा हजारांची मदत करावी. - हैदरभाई सय्यद (अध्यक्ष, भद्रकाली ऑटोरिक्षा-टॅक्‍सी युनियन नाशिक) 

 हेही वाचा > धक्कादायक! ३५ वर्षांचा घरोबा..सख्खे शेजारी..कुटुंबासाठी धावणाऱ्यांचाच विश्वासघात