नाशिक : धार्मिकदृष्ट्या महत्त्वपूर्ण मानल्‍या जाणाऱ्या श्रावण महिन्‍याला सुरवात होत आहे. या कालावधीत त्र्यंबकेश्‍वरला दर्शनासाठी मोठ्या प्रमाणावर भाविकांची गर्दी होते.
विशेषतः सोमवारी भाविक प्रवाशांची वाढीव संख्या लक्षात घेता महाराष्ट्र राज्‍य मार्ग परिवहन महामंडळातर्फे (MSRTC) एसटीबसगाड्यांचे नियोजन आखले जात आहे. तिसऱ्या श्रावण सोमवारी शहरातील विविध भागातून बसगाड्या सोडण्याचेही विचाराधीन आहे. (Extra buses from ST on Shravan from Monday nashik latest marathi news)
दरवर्षी श्रावण महिन्‍यात त्र्यंबकेश्‍वर भाविकांची मांदियाळी असते. जिल्‍हाभरासह राज्‍य व देशातून भाविक येथे दर्शनासाठी येत असतात. या पार्श्वभूमिवर भाविकांच्‍या सुविधेसाठी एसटी महामंडळाकडून जादा बसगाड्या उपलब्‍ध करून दिल्‍या जात असतात.
श्रावण महिन्‍याला सुरवात होत असताना महामंडळाकडून यंदाच्‍या जादा बसगाड्यांचे नियोजन आखले जात आहे. महिनाभर भाविकांच्‍या सुविधेसाठी जादा बसगाड्या उपलब्‍ध असणार आहे. त्‍यातही सोमवारी अतिरिक्त बसगाड्या सोडल्‍या जातील.
असे आहे नियोजन
पहिल्‍या, दुसऱ्या व चौथ्या श्रावण सोमवारी प्रत्‍येकी पन्नास अतिरिक्त बसगाड्या सोडण्याचे नियोजन आहे.
ब्रह्मगिरी प्रदक्षिणा फेरीसाठी येणाऱ्या भाविकांची संख्या लक्षात घेता तिसऱ्या श्रावणी सोमवारी अडीचशे जादा बसगाड्या सोडण्याबाबत नियोजन सुरु आहे. या दिवशी नाशिक शहरासह नाशिक रोड व अन्‍य उपनगरीय भागांतून बसगाड्या उपलब्‍ध करून दिल्‍या जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.