त्र्यंबकेश्वर : प्रसिद्ध अभिनेत्री शिल्पा शेट्टी यांनी आज त्र्यंबकेश्वर दर्शनाचा लाभ घेतला. 2 वर्षीपूर्वी त्यांनी येथे हजेरी लावली होती.

49 वर्षीय शिल्पा शेट्टी यांनी जीवनातील मनोकामना पूर्ण व्हाव्यात म्हणून येथे देवाला प्रार्थना केली.

त्र्यंबकेश्वर देवस्थान कडून म्हणजेच विश्वस्तांकडून शिल्पा शेट्टी यांचे स्वागत करण्यात आले. विश्वस्त कैलास घुले, पुरुषोत्तम कडलग, स्वप्निल शेलार, सत्यप्रय शुक्ल, तसेच कार्यकर्ते पुरोहित रतीश बापू दशपुत्र, अधिकारी माचवे, आंबेकर उपस्थित होते .

भगवान त्र्यंबकेश्वराची प्रतिमा देऊन स्वागत करण्यात आले. शिल्पा शेट्टी आल्याचे कळताच भाविकही तिला पाहण्यासाठी गर्दी करू लागले.

पोलीस निरीक्षक बिपिन शेवाळे यांनी चोख संरक्षणाची पोलीस बंदोबस्त व्यवस्था केली होती. आता शिल्पा शेट्टी लवकरच रोहित शेट्टीच्या 'इंडियन पोलिस फोर्स' या वेब सीरिजमध्ये दिसणार आहे.

या मालिकेत तिच्यासोबत सिद्धार्थ मल्होत्रा ​​आणि विवेक ओबेरॉय देखील असणार आहेत. शेट्टी सोबत फोटो साठी चाहत्यांमध्ये चढाओढं दिसली.