नाशिक / चांदवड : दोन एकर शेतीवर त्यांचे घर चालायचे...नोव्हेंबर मध्ये अतीवृष्टी झाली आणि काही तासात होत्याच नव्हत झाल...पाहणी करण्यासाठी अनेक साहेबांची पथक आली. आमदार सुध्दा होते. सर्व म्हणाले.. घाबरु नका...सरकार तुमच्या पाठीशी हाय.. पण आता आठ महिने उलटले तरी एक रुपयाची मदत भेटली नाही....आता उघड्या पडलेल्या खडकात हिरव स्वप्न पाहात जगायच कसं असा सवाल शेतकऱ्यांकडून विचारण्यात येतोय.

फोटो काढून गेले ते आजपर्यंत फिरकले नाही..

शिंगवे (ता. चांदवड) येथील शेतकरी दशरथ शिंदे व मंगलबाई शिंदे या दाम्पत्याची शिंगवे शिवारात दोन एकर शेती आहे. याच दोन एकरांवर हे कुटुंब आपला उदरनिर्वाह करीत होते. नोव्हेंबर मध्ये अतिवृष्टी झाली अन्‌ कांद्याच्या उभ्या पिकांसह त्यांच अख्ख शेतच वाहून गेलं. वाहून गेलेल्या शेताची पाहणी करण्यासाठी थेट केंद्रीय पथकच त्यांच्या शेतात आलं.या पथकाबरोबर विभागीय आयुक्त राजाराम माने, आमदार डॉ राहुल आहेर, प्रांताधिकारी सिद्धार्थ भंडारे, तहसीलदार प्रदीप पाटील यांच्या सह सर्वच अधिकारी पदाधिकारी आले होते. त्या दिवशी पाहून फोटो काढून गेले ते आजपर्यंत कोणी त्यांची विचारपूस करायला सुद्धा आलं नाही.

हेही वाचा >प्रेरणादायी..! पत्नी खंबीर.. बेरोजगार व्यावसायिक पतीला दिली अशी साथ...संसाराचा केला स्वर्ग!​

कर्ज फेडण्यासाठी कष्ट करायचे बस एवढचं...
तरीही खचून न जाता हात उसने करून कर्ज काढून, शेजारच्या शेतकऱ्यांची मदत घेऊन या दाम्पत्याने आपली शेती पुन्हा तयार केली. शेती तयार करताना गावातीलच जे सी बी वाले मढे, ज्यांच्या शेतातून चारशे ट्रॉली माती आणली ते लक्ष्मण आहेर यांनी मदतीचा हात दिला. आज पुन्हा नव्याने सरकारच्या मदतीशिवाय उभं राहून या जिद्दी शेतकऱ्याने आपल्या शेतात मका,भुईमूग करून शेत हिरवंगार केलं आहे. आता नशीबाने अन्‌ निसर्गानं साथ दिली तर घेतलेलं कर्ज फेडण्यासाठी कष्ट करायचे बस एवढीच या दाम्पत्याची अपेक्षा आहे. 

हेही वाचा > संतापजनक! "...तर गौरव आज आमच्यात असला असता.."आरोप करत नातेवाईकांनी फोडला हंबरडा..आरोग्य केंद्राची तोडफोड

हेक्‍टरी आठ हजार रुपयांची मदतही नाही
" नोव्हेंबर च्या अतिवृष्टीत अशा अनेक शेतकऱ्यांचे शेत वाहून गेले यापैकी कुणालाही मदत मिळाली नाही. हे सगळे नुकसान ग्रस्त शेतकरी माय बाप सरकारच्या मदतीची वाट पाहत आहेत. हि वेगळी मदत सोडाच पण साधी इतर शेतकऱ्यांना मिळालेली हेक्‍टरी आठ हजार रुपयांची मदतही त्यांना मिळालेली नाही असे या दाम्पत्याने सांगितले.