नाशिक : महापालिकेच्या इतिहासात प्रथमच शिक्षण विभागासाठी सर्वाधिक भरघोस आर्थिक तरतूद करण्यात आली असून, आयुक्त राधाकृष्ण गमे यांनी विविध योजनांचा समावेश असलेले 97.37 कोटींचे स्वतंत्र अंदाजपत्रक शिक्षण विभागासाठी जाहीर केले. 

97.37 कोटींचे स्वतंत्र अंदाजपत्रक शिक्षण विभागासाठी जाहीर

नाशिक महापालिकेचे सन 2020-21 या आर्थिक वर्षाचे 2 हजार 161 कोटी रुपयांचे अंदाजपत्रक आयुक्त राधाकृष्ण गमे यांनी मंगळवारी (ता.25) रोजी स्थायी समितीला सादर केले. या अंदाज पत्रकात कोणतीही करवाढ सूचविण्यात आली नसली तरी पाणी पुरवठ्याचा खर्च वसूल करण्यासाठी उपभोक्ता आकार लागू करण्याची शिफारस करण्यात आली आहे. महापालिकेच्या इतिहासात प्रथमच शिक्षण विभागासाठी सर्वाधिक भरघोस आर्थिक तरतूद करण्यात आली असून, आयुक्त राधाकृष्ण गमे यांनी विविध योजनांचा समावेश असलेले 97.37 कोटींचे स्वतंत्र अंदाजपत्रक शिक्षण विभागासाठी जाहीर केले. 

गुणवत्तावाढीसाठी विविध योजना अमलात आणल्या जाणार

महापालिकेच्या शाळांमध्ये 31 हजार 231 विद्यार्थी शिकतात. विद्यार्थ्यांच्या गुणवत्तावाढीसाठी विविध योजना अमलात आणल्या जाणार आहेत. यात सहा ते 14 वयोगटातील मुलींसाठी महापालिकेच्या प्रत्येक शाळेत सॅनिटरी नॅपकीन व डिस्पोजल मशीन ठेवले जाणार असून, त्यासाठी अंदाजपत्रकात 40 लाखांची तरतूद करण्यात आली आहे. सर्वशिक्षा अभियानांतर्गत मागासवर्गीय विद्यार्थ्यांसह खुल्या गटातील विद्यार्थ्यांना प्रत्येकी दोन गणवेश दिले जाणार आहेत. त्याचबरोबर विद्यार्थ्यांना बूट व मोजे दिले जाणार आहेत.

हेही वाचा > हसत खेळत चिमुकली पाण्याच्या टबजवळ गेली...अन् थोड्या वेळातच भयाण शांतता!

निवासी शाळेत मुलभूत सुविधा पुरविल्या जाणार

विद्यार्थ्यांना धार्मिक व ऐतिहासिक स्थळांना भेटी देण्यासाठी सहलीची तरतूद करण्यात आली आहे. दूषित पाण्यापासूनचे आजार टाळण्यासाठी प्रत्येक शाळेत वॉटर प्युरिफायर दिले जाणार आहे. महापालिकेच्या शाळांमध्ये अग्निरोधक यंत्रणा बसविली जाणार आहे. नाशिक-पुणे रोडवरील जेतवननगर शाळेत 50 विद्यार्थ्यांच्या निवासी शाळेत मुलभूत सुविधा पुरविल्या जाणार आहेत. शारीरिक विकासासाठी सर्व शाळांमध्ये क्रीडा साहित्य उपलब्ध करून दिले जाणार आहे.  

हेही वाचा > 'आधी माहीत असतं तर तुला मी पाठवलंच नसतं!'...असं म्हणत आईने फोडला हंबरडा