नाशिक : (सातपूर) औद्योगिक कामगार लोकवस्ती असलेल्या सातपूर कॉलनीतील आनंदछाया बिल्डींगमधील दोन दिवसांपूर्वी एका रहिवाशाला शनिवारी (ता. 6) रोजी कोरोनाची बाधा झाली होती. त्यानंतर त्या कुटुंबातील 11 जणांच्या तपासणीत 5 जणांचे अहवाल पॉझिटिव्ह आल्याने खळबळ उडाली आहे. सातपूरकरांसाठी ही धोक्‍याची घंटा असून त्यांच्या ह्रदयाचा ठोकाच चुकला...

मुंबई, पुण्याचे कनेक्‍शनमुळे कोरोनाची लागण

मे महिन्यात मालेगावहून आलेल्या एका महिलेच्या रूपाने सातपूरला कोरोनाचा शिरकाव झाला. त्यानंतर मुंबई, पुणे, ठाणे, भिवंडी आदीसह गुजरामधील नागरीक सातपूरला छुप्या पद्धतीने दाखल झाले. कामगारांना घेऊन आलेला एक कन्टेनर सातपूरला पकडला खरा पण त्यानंतर मात्र प्रशासकीय निष्काळजीपणाच वेळोवेळी समोर आला. कोरोनाच्या काळात सातपूरसह शहरातील अनेक मुख्य रस्त्यावर स्वंयमसेवक पोलिसांच्या मदतीला तैनात केले खरे पण त्यातील पन्नास टक्के हे विविध राजकीय पक्षाचे कार्यकर्ते व विविध गुन्हे दाखल झालेले कार्यकर्ते दिसत होते.

जेव्हा काही प्रमाणिक स्वंयमसेवक खाजगीत सांगता...

रात्रीच्यावेळी सोयीनुसार आपल्या बगल बच्च्याचे तसेच दारूसह तबांखू, गुटखा आदी अवैद्य वाहतुकी करणाऱ्या वाहन सोडण्याचं काम केले जात होतं असं त्यातीलच काही प्रमाणिक स्वंयमसेवक खाजगीत सांगतात. असो याच काळात जाधव संकुल, चुंचाळे, संजीव नगर, म्हाडा कॉलनीसह श्रमिकनगरमधील वृंदावन गार्डनमध्ये मुंबई, पुण्याचे कनेक्‍शनमुळे कोरोनाची लागण झाल्याचे समोर आले आहे. ते शांत होत नाही, तोच सातपूर कॉलनीत काल रविवार (ता. 7) आनंद छाया या बिल्डींगमध्ये एका कामगारला कोरोनाची लागन झाल्याचे समोर आले. 

हेही वाचा > जिल्ह्यात निसर्ग चक्रीवादळामुळे अनेकांचे होत्याचे नव्हते!...वाचा सविस्तर

प्रशासनाची अधिक डोके दुखी वाढली

हा कामगार ज्या कंपनीत काम करत होता. त्या ठिकाणीही मोठ्या प्रमाणावर खळबळ उडाली आहे. त्यानंतर त्या कुटुंबातील व्यक्तींसह 11 जणांना तपासणीसाठी नेले होते. या 11 जणांपैकी 5 व्यक्तींचे कोरोना अहवाल पॉझिटिव्ह आले आहेत. त्यात संबंधित व्यक्तीची पत्नी, सून, शेजारची महिला, वॉचमन महिला व तिचा सात वर्षांचा मुलगा अशा या पाच व्यक्ती आहेत. हे अहवाल आल्यामुळे आनंदछायामधील एकूण कोरोना रुग्णांची संख्या 6 झाली आहे. अशी माहिती मनपा वैद्यकीय सूत्रांनी दिली. यातील नेपाळी वाचमन हा अनेक ठिकाणी वाहन धुण्यासाठी घरोघरी जात होता. यामुळे याची लागण अजून किती जणांना असेल यासाठी प्रशासनाची अधिक डोके दुखी वाढली आहे. तर सातपूरकरांसाठी ही थोक्‍याची घंटा मानली जात आहे.  

हेही वाचा > धगधगते वास्तव...मुख्यमंत्र्यांची घोषणा शेतकऱ्यांपर्यंत पोचली पण बॅंकांना सांगणार कोण?