बाणगाव बुद्रुक / नांदगाव (जि. नाशिक) : तालुक्यातील शालेय पोषण आहार बनविण्यासाठी लागणारे खाद्यतेल, भाजीपाला व इंधन खर्च अनुदान गेल्या ७ महिन्यापासून थकल्याने शालेय पोषण आहार मदतनीस यांनी नांदगाव पंचायत समितीच्या प्रवेशद्वारावर आंदोलनाचे केले. मागणी मान्य न झाल्यास प्रजासत्ताक दिनापासून आमरण उपोषण करण्याचा इशारा देखील या कर्मचाऱ्यांनी दिला.
नांदगाव तालुक्यातील जिल्हा परिषदेच्या शाळेत शालेय पोषण आहार मदतनीस म्हणून काम करण्याऱ्या मदतनीस यांना पोषण आहार शिजविण्यासाठी लागणाऱ्या खाद्य तेल, भाजीपाला व इंधन खर्च शाळा सुरू झाल्यापासून ते डिसेंबर अखेर जवळपास सात महिन्यापासून मिळालेला नाही.
यामुळे ग्रामीण भागातील महिलांना किराणा दुकानदार उधारीवर वस्तू देण्यासाठी टाळाटाळ करत आहे. त्यामुळे महिलांना नाइलाजाने पोषण आहार बंद करण्याची वेळ येऊ लागली आहे. यामुळे प्रत्येक महिन्याला खाद्यतेल, भाजीपाला व इंधन खर्च अनुदान वेळेवर देण्यात यावा अशी मागणी करत पंचायत समितीच्या कार्यालयावर धडक मोर्चा काढत ठिय्या आंदोलन केले.
यावेळी आमची मागणी मान्य न झाल्यास २६ जानेवारी प्रजासत्ताक दिनाच्या दिवशी पंचायत समितीच्या शिक्षण विभागाच्या समोर आमरण उपोषण आंदोलन करणार असल्याचा इशारा यावेळी देण्यात आला. निवेदनावर संगीता सोनवणे, आशा काकळीज, सरला मोढे, संगीता गुंजाळ, संगीता मोकळ, शोभा भोसले, वंदना बाहिकर आदींच्या स्वाक्षऱी आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.