नाशिक/ मालेगाव : मालेगावात आणखी 4 जणांचे कोरोना रिपोर्ट पॉझिटिव्ह आले असून अत्यंत चिंताजनक बाब आहे. याआधी आढळलेल्या कोरोनाबाधितांच्या संपर्कातील 4 जणांना कोरोनाची लागण झाल्याचे समजते. बुधवारी आढळलेल्या 4 कोरोनाबाधितांमध्ये 2 महिला आणि 2 पुरुषांचा समावेश असल्याची माहिती मिळत आहे. गेल्या 24 तासात मालेगावात 9 कोरोनाबाधित रुग्णांची भर पडली असून मालेगावातील कोरोनाबांधितांची संख्या 40 वर पोहचली, 40 पैकी दोघांचा मृत्यू झाला आहे.

परिस्थितीला तोंड देऊन कोरोनामुक्त मालेगाव करण्याचा संकल्प

आज रुग्णसंख्या 40 वर पोहोचल्यामुळे मालेगावमधील प्रशासनाचे या गंभीर परिस्थितीला तोंड देण्यासाठी खासगी दवाखाने उपचारासाठी तयार ठेवले आहेत. पोलीस यंत्रणा, जिल्हा प्रशासन याठिकाणी ठाण मांडून आहे. आलेल्या परिस्थितीला तोंड देऊन कोरोनामुक्त मालेगाव करण्याचा संकल्प त्यांच्याकडून केला जात आहे. अजूनही मालेगावच्या काही भागात नागरिक घराबाहेर पडताना दिसून येत असून त्यांनाही आवर घालावा लागणार आहे.

हेही वाचा > मुलाला उच्चशिक्षित करण्याची 'त्यांची' इच्छा अपूर्णच...काळ असा आला की...मुलगाच  

हेही वाचा > कर्जाच्या बोजाखाली 'त्याचा' जीव गुदमरला..अखेर तरुण शेतकऱ्याने शेवटचा निर्णय घेतला