नाशिक : (मनमाड) हिसवळ बुद्रुक गावामध्ये शेतात जाणाऱ्या चार जणांसोबत धक्कादायक घटना घडली. झाडाझुडपातून त्याने अचानक झडप घातल्याने ते चोघेही गांगारून गेले. अन् नंतर घडले असे...

अशी आहे घटना

शनिवारी (ता. 31) मीना आहेर (वय-45), सुनीता पवार(वय 35), जगन आहेर(वय 65) आणि मोहन सोळसे(वय 30) हे चारही जण रस्त्याने शेतात जात असतांना झाडाझुडुपांमध्ये लपून बसलेल्या लांडग्यांने त्यांच्यावर हल्ला केला. लांडग्यांने केलेल्या हल्ल्यामुळे हे चारही जण गांगरून गेले असले तरी या चौघांनी आरडाओरडा केला. जोरजोरात आवाज झाल्याने लांडगा पळून गेला. त्यानंतर आरडाओरडा ऐकू आल्याने लगतची काही तरुण मंडळींनी घटनास्थळी आले. तोपर्यंत लांडगा पसार झाला होता. जखमींना मनमाडच्या उपजिल्हा रुग्णालयात उपचारासाठी दाखल करण्यात आले. 

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला

घटनेची माहिती मिळताच वनाधिकारी डी.बी.बोरसे, डी.जी.सुर्यवंशी, सी.इ.भुजबळ, अशोक सोनावणे यांनी उपजिल्हा रुग्णालयात भेट देऊन जखमींची विचारपूस केली. मनमाडसह नांदगाव तालुक्यात वनविभागाचे मोठे जंगल असुन त्यात हरीण, मोर, ससे, लांडगे यासह इतर वन्यप्राणी असुन गावात येवून लांडग्यांने लोकांवर हल्ला केल्याची या भागात ही पहिलीच घटना मानली जात आहे. या घटनेमुळे हिसवळ परिसरात खळबळ उडाली असून ग्रामस्थांमध्ये भीतीच वातावरण निर्माण झाले आहे. 

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास