नाशिक : ''मिलिटरी इंजिनिअरींग येथे मुलाला नोकरी लावून देतो'' म्हणत थोडेथिडके नव्हे तर तब्बल साडेसहा लाखांचा चुना लावल्याची घटना घडली आहे. आपली फसवणूक झाल्याचे लक्षात येताच त्या महिलेने संशयिताविरुद्ध गुन्हा दाखल केला आहे. वाचा सविस्तर प्रकार

अशी आहे घटना

मिलिटरी इंजिनिअरींग येथे मुलास नोकरीस लावण्याचे आमिष दाखवत एकाने महिलेस 6 लाख 50 हजार रूपयांना गंडा घातल्याचा प्रकार उघडकीस आला आहे. श्रीराजु शंकर आहिरे (मखमलाबादरोड, विवेकानंद पंचवटी, मुळ रा. वाखारी पिंपळगाव, ता. देवळा) असे संशयिताचे नाव आहे. याप्रकरणी महिलेने तक्रार दाखल केली आहे. त्यानुसार तक्रारदार महिलेच्या मुलास देवळाली कॅम्प येथील ''आरएमईएस या मिलिट्री इंजिनिअरींग या ठिकाणी नोकरीस लावतो'' असे सांगून त्यांचा विश्‍वास संपादन केला. यानंतर बंद पाकिट त्यांच्या पत्त्यावर पाठवून त्यात मुलाच्या नोकरीची ऑर्डर आहे. परंतु नाव चुकले आहे. पाकिट उघडू नये असे दुरध्वनीद्वारे सांगितले. यामुळे अधिक विश्वास निर्माण झाल्याने नोकरीपोटी जुन 2019 ते आतापर्यंत वेळोवेळी 6 लाख 50 हजार रूपये घेतले. 

हेही वाचा > नियतीची खेळी! एका मित्राला लागली हळद ,तर दुसऱ्याला दिला अग्नि; अक्षयच्या अवेळी जाण्याने परिसरात हळहळ

वारंवार पैसे घेऊन देखील मुलास नोकरी न दिल्याने आर्थिक फसवणुक झाल्याचे लक्षात येताच महिलेने पंचवटी पोलीस ठाणे गाठुन तक्रार दाखल केली आहे. अधिक तपास उपनिरिक्षक एस. सी. कासर्ले करत आहेत.

हेही वाचा > माहेरहून सासरी निघालेली विवाहिता चिमुकलीसह प्रवासातच गायब; घडलेल्या प्रकाराने कुटुंबाला धक्काच