Nashik Ramesh Bais : संदीप युनिव्हर्सिटीच्या पदवीदान समारंभानिमित्ताने राज्यपाल रमेश बैस हे शुक्रवारी (ता.५) नाशिकमध्ये येणार आहेत. (Governor Ramesh Bais in Nashik on 5th january nashik news)

या समारंभाच्या पूर्वतयारीसाठी सोमवारी (ता.१) जिल्हाधिकारी कार्यालयात सायंकाळी ५ वाजता आढावा बैठक घेण्यात येणार आहे.

आढावा बैठकीसाठी सर्व विभागाच्या अधिकाऱ्यांनी उपस्थित राहण्याचे आदेश निवासी उपजिल्हाधिकारी राजेंद्र वाघ यांनी दिले आहेत.

दरम्यान, राज्यपालांचा हा दुसरा नाशिक दौरा असून यापूर्वी त्यांनी इगतपुरी तालुक्यातील मोडाळे गावास भेट दिली होती.

यानंतर आता त्र्यंबकेश्वर रोडवरील महिरावणी गावाजवळील संदीप युनिव्हर्सिटीत ते विद्यार्थ्यांना संबोधित करणार आहेत.