नाशिक : (जुने नाशिक) मुलीला आणि विवाहितेस ठार करण्याची धमकी देत वेळोवेळी अतिप्रसंग केल्याचा प्रकार शनिवारी (ता. २२) उघडकीस आला. पीडितेच्या तक्रारीवरून भद्रकाली पोलिसांत गुन्हा दाखल झाला. 

अशी आहे घटना

पंचवटी भागात विवाह संस्था चालविणारी विवाहिता दहा महिन्यांच्या मुलीसह पतीपासून विभक्त राहते. व्यवसायातून संशयित नीलेश वराडे (रा. आरटीओ कॉर्नर, दिंडोरी रोड) याच्याशी तिची ओळख झाली. दोघेही भागीदार म्हणून विवाह जुळविण्याचे एकत्र व्यवसाय करू लागले. डिसेंबर २०१९ पर्यंत एकत्र काम केले. पीडिता पतीपासून विभक्त राहत असल्याचे संशयिताला माहीत होते. त्याचा गैरफायदा घेत त्याने जवळीक साधली. एकेदिवशी त्याने तिच्यावर द्वारका चौकातील हॉटेलमध्ये अत्याचार केला. त्यानंतर वेळोवेळी ठार करण्याची धमकी देत अतिप्रसंग केला. 

हेही वाचा > अचानक सायरनचा तो धडकी भरविणारा आवाज..नागरिकांत घबराट अन् सुटकेचा निश्वास! काय घडले नेमके?

पोलिसांत तक्रार दाखल

वेळोवेळी धमकी देत महिलेवर अतिप्रसंग केले, त्यातून महिलेस मुलगी झाली. काही दिवस त्याने तिला भेटणे सोडले. प्रसूतिनंतर पुन्हा त्याने पीडितेशी संपर्क साधला. तिने मुलीला त्याचे नाव लावण्यास सांगितले. मात्र त्याने नकार देत मुलीबाबत कुणास काही सांगितले, तर मुलीसह ठार करण्याची धमकी दिली. जुलै २०२० मध्ये त्र्यबंक रोड येथील हॉटेलमध्ये अतिप्रसंग केला. संशयिताकडून खूपच त्रास दिला जात असल्याने शेवटी तिने शनिवारी भद्रकाली पोलिसांत तक्रार दाखल केली.  

हेही वाचा > शिवप्रेमींत हळहळ; शिवप्रेमी रितेशची किल्ल्यावरील 'ती' सेल्फी शेवटची ठरली, काय घडले?

संपादन - किशोरी वाघ