सातपूर : तिसऱ्या सोमवारी मैत्रिणी सोबत त्र्यंबकला फेरी मारायला गेलेल्या प्रियकराला आपल्याच मुलाने रंगेहात पकडल्यामुळे त्या प्रेमीयुगुलाचा ऐकच गोंधळ उडाल्याची घटना समोर आली. बायको व मुलांच्या धाकाने दोन दिवसांपासून हा अवलिया घरीच आला नसल्याची घटना सातपूरला समोर आली आहे. (Latest Marathi News)

सुखाने भरलेला परिवार असला तरी शारीरिक समाधानासाठी पतीने कामाच्या ठिकाणी असलेल्या दुसऱ्या बाई बरोबर प्रेमप्रकरण केले. याबाबतची कुणकूण त्याच्या घरी दबक्या आवाजात आली होती. पण मुला, बाळाचा विचार करून थेट पतीशी बोलण्यास पत्नी टाळत होती. बायको काहीच बोलत नाही म्हटल्यावर प्रेमवीर भाऊ अधिकच फॉर्मात आले होते. संधीचा गैरफायदा घेत हा प्रेमवीर दिवसातील जास्तीत- जास्त वेळ आपल्या प्रेयसीकडे घालवू लागला. अशातच श्रावण सुरू झाला आणि हा प्रेमवीर प्रेयसी बरोबर तिसऱ्या श्रावण सोमवारी त्र्यंबकला फिरायला गेला खरा पण याच गर्दीत आपल्याच मुलांच्या नजरेस पडल्याने दोघांचा एकच गोधळ उडाला.

जे नको व्हायला तेच घडल्याने घरी हे प्रकरण माहिती होईल या भीतीने प्रेयसीला गर्दीत सोडून हा भाऊ तेथूनच फरार झाला. गेल्या दोन दिवसांपासून हा अवलिया घरीच आला नसल्याने प्रेयसीने नवरा पळवल्याची खंत व्यक्त करत पती बेपत्ता झाल्याची तक्रार सातपूर पोलिसात पत्नीने दिल्याचे पाहायला मिळाले. यामुळे प्रेयसीला घेऊन फेरीला गेला पण प्रेमप्रकरणाच्या फेरीत अडकला, अशीच चर्चा सातपूरमध्ये रंगू लागली आहे.