vani hospital.jpg
vani hospital.jpg 
नाशिक

धक्कादायक!  25 हजार लोकसंख्येचं आरोग्य चक्क एकाच वैद्यकीय अधिकाऱ्यावर अवलंबून??

सकाळ वृत्तसेवा

नाशिक / वणी : विधानसभेचे उपाध्यक्ष नरहरी झिरवाळ यांनी वणी येथील ग्रामीण रुग्णालयास सोमवारी (ता. 15) भेट देऊन पाहणी केली असता रुग्णालयाचे मुख्य वैद्यकीय अधीक्षक 15 दिवसांपासून रुग्णालयात फिरकले नसल्याचे समजले. त्यामुळे संतप्त झालेल्या आमदारांनी थेट जिल्हा शल्यचिकित्सांना संपर्क साधत येथील परिस्थितीबाबत विचारण केली. संबंधित वैद्यकीय अधीक्षक रजेवर नसल्याचे त्यांना कळताच त्यांचा पारा चढला. 

आरोग्य यंत्रणा खडबडून जागी

विधानसभेचे उपाध्यक्ष झिरवाळ यांनी वणी येथील ग्रामीण रुग्णालयास दिलेल्या भेटीनंतर येथील आरोग्य यंत्रणा खडबडून जागी झाली आहे. जिल्हा शल्यचिकित्स डॉ. सुरेश जगदाळे यांनी रुग्णालयास भेट देत येथील परिस्थितीचा आढावा घेतला असता अवघ्या एका वैद्यकीय अधिकाऱ्यावरच 25 हजार लोकसंख्या असलेल्या वणीच्या ग्रामीण रुग्णालयाची भिस्त असल्याचे समोर आले.यानंतर झिरवाळ यांनी रुग्णालयातील परिस्थितीबाबत आढावा घेण्याची सूचना केली. या प्रकारानंतर जिल्हा शल्यचिकित्सक डॉ. जगदाळे यांनी तत्काळ सायंकाळी ग्रामीण रुग्णालयात धाव घेतली. या वेळी रुग्णालयाचे वैद्यकीय अधीक्षक विनापरवानगी रजेवर गेल्याचे उघडकीस आले. त्यानंतर तातडीने वैद्यकीय अधिकारी, उपस्थित परिचारिका व कर्मचाऱ्यांची बैठक घेऊन सूचना करत डॉ. अरुण पवार यांच्यावर कारवाईचे संकेत दिले. 

सहा महिन्यांपासून रजेवर 
वणी येथील ग्रामीण रुग्णालयात एक वैद्यकीय अधीक्षक व तीन वैद्यकीय अधिकारी अशी पदे असून, यापैकी एक वैद्यकीय अधिकारी सहा महिन्यांपासून विनापरवानगी रजेवर आहेत, तर दुसरे वैद्यकीय अधिकारी कोरोनाबाधित रुग्णाच्या संपर्कात आल्याने आणि त्यात त्याचा अहवाल सोमवारी पॉझिटिव्ह आल्याने क्वारंटाइन झाले आहेत.

रिक्त पदे तातडीने भरण्याची ग्रामस्थांची मागणी ​

त्यामुळे सुमारे 25 हजारांवर लोकसंख्येचा भार वणी ग्रामीण रुग्णालयातील वैद्यकीय अधिकारी डॉ. किशोर मोरे यांच्या एकट्यावरच आहे. कोरोनाबाधित रुग्णामुळे परिसरात घबराटीचे वातावरण आणि त्यात एकच डॉक्‍टर उपलब्ध असल्याने ग्रामस्थांनी तत्काळ ही पदे भरण्याची मागणी केली.  यानंतर विनापरवानगी रजेवर असलेल्या वैद्यकीय अधिकाऱ्यांवर कारवाई करण्यासह येथील रिक्त पदे तातडीने भरण्याची मागणी येथील ग्रामस्थांनी केली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Amit Shah Fake Video Case : झारखंड काँग्रेसचं एक्स अकाऊंट सस्पेंड; अमित शाह व्हिडीओ प्रकरणात मोठी कारवाई

Google Error : गुगल डाऊन! जगभरातील युजर्स त्रस्त; अमेरिकेतून 1400 तक्रारी

Yogi Adityanath : काँग्रेस सत्तेत आल्यास हिंदूंची विभागणी होईल - योगी आदित्यनाथ

IPL 2024, CSK vs PBKS: चेन्नईला पंजाबच्या गोलंदाजांनी रोखलं अन् फलंदाजांनी ठोकलं; ऋतुराजसेनेचा बालेकिल्ल्यात दुसरा पराभव

Loksabha election 2024 : जेडीयूचे माजी प्रदेशाध्यक्ष शशांक राव यांचा भाजपात प्रवेश; उपमुख्यमंत्री देवेंद्र फडणवीस यांची उपस्थिती

SCROLL FOR NEXT