नाशिक : शिक्षणमंत्री वर्षा गायकवाड यांनी शाळा सुरू झाल्याशिवाय शालेय शुल्क भरू नये, असे जाहीर केलेले असूनही अनेक खाजगी शाळा व शिक्षण सम्राट सध्या पालकांकडे जबरदस्तीने ही मागत आहे. त्यामुळे शिक्षण विभागाने शाळा जबरदस्तीने फी मागत असल्यास आमच्याकडे तक्रार करा असे आवाहन केले आहे. यासाठी शिक्षण उपसंचालक कार्यालयातील शिक्षण उपनिरीक्षक शिवाजी शिंदे व शिक्षण विस्तार अधिकारी निलेश पाटोळे यांची नियुक्ती करण्यात आली आहे.

विशेषतः इंग्रजी शाळांच्या तक्रारी

लॉकडाऊनच्या काळात भारतातल्या नागरिकांचे आर्थिक उत्पन्न कमी झालेले असतानाच खाजगी शाळा चालवणारे काही शिक्षण सम्राट आपल्या कर्मचाऱ्यांना मार्फत पालकांकडे फीसाठी तगादा लावत आहे. ई-मेल, एसएमएस अथवा गृहभेटीद्वारे ही अनेक शाळा फीसाठी पालकांना वैतागून सोडत आहे. लॉकडाउनच्या काळात शिक्षण उपसंचालक कार्यालयाकडे विशेषतः इंग्रजी शाळांच्या अनेक तक्रारी आल्या आहेत. म्हणून शाळां संबंधीच्या पालकांच्या तक्रारीची दखल घेण्यासाठी नाशिक जिल्ह्यासाठी शिक्षण विस्तार अधिकारी निलेश पाटोळे तर नाशिक विभागासाठी शिक्षण उपनिरीक्षक शिवाजी शिंदे यांची नियुक्ती तक्रार निवारणासाठी करण्यात आली आहे. 

हेही वाचा > निर्दयीपणाचा कळस! तीन दिवसाचे बाळ टाकले शेतात...अन् मग..

नाशिक, धुळे, जळगाव, नंदुरबार या चार जिल्ह्यांतर्गत येणाऱ्या शाळांसंबंधी पालकांच्या अनुदानित - विनाअनुदानित इंग्रजी माध्यमांच्या शाळा संबंधित तक्रारी असल्यास त्यांनी न घाबरता न डगमगता शिक्षण उपसंचालक कार्यालयाशी संपर्क साधावा असे आवाहन करण्यात आले आहे.  

हेही वाचा > MPSC RESULT : नाशिकच्या उमेदवारांचा "एमपीएससी'त विविध पदांवर डंका!