जिल्ह्यात आत्तापर्यंत तीन हजार ८२५ बाधितांचा कोरोनामुळे मृत्‍यू झाला. शनिवारी झालेल्‍या ४१ मृत्‍यूंमध्ये सर्वाधिक ३० मृत्‍यू नाशिक ग्रामीण भागातील आहेत.
नाशिक : जिल्ह्यात नव्‍याने आढळणाऱ्या कोरोनाबाधितांची संख्या घटत आहे. परंतु कोरोनामुळे (Corona)होणाऱ्या मृत्‍यूंची संख्या आरोग्‍य यंत्रणेपुढे आव्‍हान निर्माण करणारी आहे. शनिवारी (ता. ८) नाशिक ग्रामीण भागातील ३० मृतांसह जिल्ह्यात एकूण ४२ बाधितांचा कोरोनाने बळी घेतला. ग्रामीणमध्ये निफाडमधील आठ, तर येवला तालुक्‍यातील पाच मृतांचा समावेश आहे. (In Nashik district 42 people have died due to corona)
जिल्ह्यात आत्तापर्यंत तीन हजार ८२५ बाधितांचा कोरोनामुळे मृत्‍यू झाला. शनिवारी झालेल्‍या ४१ मृत्‍यूंमध्ये सर्वाधिक ३० मृत्‍यू नाशिक ग्रामीण भागातील आहेत. या परिसरात निफाड तालुक्‍यातील आठ, येवला तालुक्‍यातील पाच मृतांसह सिन्नर आणि दिंडोरी तालुक्‍यांत प्रत्‍येकी चार, नांदगाव तालुक्‍यात तीन, चांदवड आणि इगतपुरी तालुक्‍यांत प्रत्‍येकी दोन, नाशिक ग्रामीण व बागलाण तालुक्‍यांतील प्रत्‍येकी एका बाधिताचा बळी घेतला. नाशिक महापालिका क्षेत्रात दहा, तर मालेगाव महापालिका क्षेत्रात एका बाधिताचा उपचारादरम्‍यान मृत्‍यू झाला.
सायंकाळी उशिरापर्यंत जिल्ह्यातील पाच हजार ३७० रुग्‍णांना अहवालाची प्रतिक्षा होती. यापैकी सर्वाधिक तीन हजार ३९३ प्रलंबित अहवाल नाशिक ग्रामीणमधील आहेत. नाशिक शहरातील एक हजार ५७७, मालेगावच्‍या चारशे रुग्‍णांना अहवालाची प्रतीक्षा होती. जिल्‍हाभरातील रुग्‍णालये व गृहविलगीकरणात तीन हजार १५९ रुग्‍ण दाखल झाले आहेत. यापैकी दोन हजार ८६४ रुग्‍ण नाशिक महापालिका क्षेत्रातील आहेत. जिल्‍हा रुग्‍णालयात नऊ, डॉ. वसंतराव पवार वैद्यकीय महाविद्यालयात १३ रुग्‍ण दाखल झाले. नाशिक ग्रामीणमध्ये २२८, मालेगावला ४५ रुग्‍ण दाखल झाले आहेत.
ॲक्‍टिव्‍ह रुग्‍ण संख्येत एक हजार ३१५ ने घट
दोन दिवसांपासून ॲक्‍टिव्‍ह रुग्‍णसंख्या वाढत होती. परंतु शनिवारी कोरोना बाधितांपेक्षा कोरोनामुक्‍त रुग्‍णांची संख्या अधिक राहिल्‍याने ॲक्‍टिव्‍ह रुग्‍णसंख्या घटली. दिवसभरात दोन हजार ७९५ रुग्‍णांचे अहवाल पॉझिटिव्‍ह आले. यात नाशिक शहरातील एक हजार ४२९, नाशिक ग्रामीणमधील एक हजार २९८, मालेगावमधील सतरा, तर जिल्‍हाबाहेरील ५१ रुग्‍णांचे अहवाल पॉझिटिव्‍ह आले आहेत. दुसरीकडे जिल्ह्यात चार हजार ६९ रुग्‍ण कोरोनामुक्‍त झाले. यात नाशिक शहरातील दोन हजार ४५६, नाशिक ग्रामीणमधील एक हजार ४९८, मालेगाव क्षेत्रातील ५५, तर जिल्‍हाबाहेरील साठ रुग्‍णांनी कोरोनावर यशस्‍वीरीत्‍या मात केली आहे. यातून ॲक्‍टिव्‍ह रुग्‍ण संख्येत एक हजार ३१५ ने घट झाली असून, सद्यःस्‍थितीत जिल्ह्यात ३३ हजार २३८ बाधितांवर उपचार सुरू आहेत.
(In Nashik district 42 people have died due to corona)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.