सिडको (नाशिक) : तब्बल चार वर्षांच्या प्रतीक्षेनंतर सातपूर-सिडको व अंबडला जोडणारा आयटीआय पूल नागरिक व वाहनचालकांसाठी खुला झाला आहे. वेगवेगळ्या राजकीय पक्षांच्या नगरसेवकांनी पाठपुरावा केलेल्या या पुलामुळे हजारो कष्टकरी कामगारांची सोय होणार आहे. तब्बल तीन राजकीय पक्षांच्या नगरसेवकांनी त्यासाठी प्रयत्न केले.

खऱ्या अर्थाने नागरिकांसाठी पूल खुला 

चार वर्षांपासून पुलाचे काम होत नसल्याने मेटाकुटीस आलेले नागरिक पुलाच्या कामासाठी वारंवार मागणी करीत होते. काही दिवसांपासून पुलाचे काम सुरू झाले. त्यावर खडीकरण, डांबंरीकरण झाले. हे काम उरकत आल्याने आता खऱ्या अर्थाने नागरिकांसाठी हा पूल खुला झाला आहे. आयटीआय पूल सुरू करण्यासाठी नगरसेविका हर्षदा गायकर यांनी महापालिकेतर्फे ६ जुलैला उपस्थित राहून हा पूल नागरिकांसाठी खुला करावा व त्याचबरोबर डांबरीकरण करावे, अशी मागणी सातपूर बांधकाम उपअभियंता संजय पाटील यांच्याकडे सातत्याने केली. अखेर गुरुवारी (ता. ५) डांबरीकरण करण्याचे काम सुरू झाले. शिवसेना नगरसेविका, आरोग्य समिती सदस्य हर्षदा गायकर व बांधकाम विभाग अधिकारी उपस्थित होते. 

हेही वाचा >  समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला

श्रेय कुणाला..? 

आयटीआय पुलासाठी प्रयत्न केला मनसेच्या एका माजी नगरसेवकाने ,त्याला मंजुरी मिळवून आणली भाजपच्या दुसऱ्या एका नगरसेविकेने आणि आता हा रस्ता नागरिकांसाठी खुला केलाय तो शिवसेनेच्या एका तिसऱ्या नगरसेविकेने. त्यामुळे आगामी निवडणुकीत मतदार या पुलाचे श्रेय कुणाच्या पारड्यात टाकणार, हा प्रश्‍न आहे.  

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच