जुने नाशिक : मुंबई नाका पोलिसांकडून लॅपटॉप चोरट्यास वडाळा गाव येथून अटक करून तीन चोरीचे लॅपटॉप हस्तगत करण्यात आले. गणेश दशरथ जेडगुले (२६, रा. रामोशीवाडा, वडाळा गाव), असे संशयिताचे नाव आहे. (Laptop thief arrested by Mumbai Police Nashik Crime News)

हेही वाचा : द मिसिंग टाइल सिंड्रोम ठेवा आपल्यापासून दूर

सिडको येथील सुधाकर पाटील यांचा लॅपटॉप चोरी झाला होता. संशयित गणेश जेडगुले याने लॅपटॉप चोरी केल्याची गुप्त माहिती मुंबई नाका गुन्हे शोध पथकास मिळाली. रामोशी वाडा येथे संशयित येत असल्याचे समजले.

वरिष्ठ निरीक्षक सुनील रोहकले यांच्या मार्गदर्शनाखाली निरीक्षक चंद्रकांत अहिरे, सहाय्यक निरीक्षक श्री. रौंदळे, रोहिदास सोनार, समीर शेख, अनिल आव्हाड, अप्पा पानवळ, श्री. सोळुंके यांनी सापळा रचत संशयिताला अटक केली. चौकशी केली असता त्याने गुन्ह्याची कबुली दिली. त्याच्याकडून दीड लाखांचे तीन चोरीचे लॅपटॉप हस्तगत केले.