सिन्नर (जि. नाशिक) : अज्ञात वाहनाने धडक (Accident) दिल्याने बिबट्या (Leopard) जागीच मरण (Death) पावल्याची घटना नुकतीच सिन्नर घोटी रस्त्यालगत आगासखिंड शिवारात घडली. (leopard killed in accident in Agaskhind at sinnar nashik Latest Marathi News)

सिन्नर- घोटी रस्त्यालगत आगसखिंड शिवारातील कडवा पाटालागत (ता.१३) पहाटे साडेचार ते पाचच्या सुमारास अज्ञात वाहनाच्या धडकेत मादी बिबट्या ठार झाला. धडक दिल्यानंतर वाहनासह चालक फरार झाला.

घटनेची माहिती सिन्नर येथील वन विभागास दिल्यानंतर वनपरिक्षेत्र अधिकारी मनीषा जाधव, वनपाल आर. आर. सदगीर, एस. एन. गाढवे यांनी घटनास्थळी येऊन बिबट्याचा पंचनामा करून बिबट्या मोहदरी येथील वनउद्यान येथे नेण्यात आला. शवविच्छेदन करून अंतिम संस्कार करण्यात आले.