नाशिक : नाशिक रोडला रेल्वेस्थानकावर मंगळवारी (ता.10) फलाट एकवर विसरलेली एक लाख 71 हजारांचा ऐवज असलेली बॅग रेल्वे पोलिसांनी सुखरूप संबंधितांच्या हातात सोपवली.
असा घडला प्रकार...
जेल रोड भागातील रहिवासी दत्तात्रय येनपुरे (वय 66) मंगळवारी (ता.10) मनमाडला जाण्यासाठी रेल्वे फलाटावर गोदावरी एक्स्प्रेसची वाट पाहात होते. एक्स्प्रेस आल्यानंतर गाडीत बसण्याच्या गडबडीत ते त्यांची दागिन्यांची बॅग फलाटावर विसरले. बॅग विसरल्याचे लक्षात आल्यानंतर त्यांनी पोलिसांशी संपर्क साधला. पोलिसांनी बॅगेचा शोध घेत हवालदार संतोष उफाडे, पोलिस शिपाई महेश सावंत, आरपीएफ विजय जाधव, कैलास बोडके, गोपनीय विभागाचे सचिन सानप आदींनी शोधाशोध करीत सीसीटीव्हीद्वारे माग काढीत बॅग पुन्हा सायंकाळी येनपुरे यांच्या ताब्यात दिली. बॅगेत 19.98 ग्रॅमची सोन्याची चेन, 9.780 ग्रॅम सोन्याच्या पुतळ्या, 9.970 ग्रॅमची सोन्याची अंगठी, 4.550 ग्रॅमचे सोन्याचे मणी, असा सुमारे 4 तोळे 451 ग्रॅमचा सुमारे एक लाख 72 हजारांचा ऐवज परत मिळवून दिला. प्रभारी अधिकारी अशोक जाधव यांच्या उपस्थितीत येनपुरे कुटुंबाला ती बॅग देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.