Police Transfers by Promotion : महाराष्ट्र पोलीस दलातील सहायक पोलीस निरीक्षक पदावरील ४४९ अधिकाऱ्यांच्या पोलीस निरीक्षकपदी पदोन्नतीने बदल्या करण्यात आलेल्या आहे. लोकसभा निवडणुकीची आचारसंहिता संपताच पदोन्नतीने बदल्या केल्याने अधिकाऱ्यांमध्ये आनंदाचे वातावरण आहे. (Maharashtra Police 449 assistant inspectors transferred by promotion )

महाराष्ट्र पोलिस दलातील सहायक पोलीस निरीक्षक गेल्या काही वर्षांपासून पदोन्नतीच्या प्रतिक्षेत होते. पोलीस महासंचालक रश्मी शुक्ला यांच्या आदेशानुसार, अपर पोलीस महासंचालक (आस्थापना) संजीव कुमार सिंघल यांनी महाराष्ट्र पोलीस दलातील ४४९ सहायक निरीक्षकांची पोलीस निरीक्षकपदी पदोन्नती करतानाच बदल्यांचे आदेश जारी केले आहेत.

त्यानुसार, नाशिक शहर आयुक्तालयात एक, जात प्रमाणपत्र पडताळणी समितीवर एक असे दोघांच्या बदल्या करण्यात आल्या आहेत तर, नाशिक शहर व ग्रामीणमधून ९ अधिकार्यांच्या पदोन्नतीने बदल्या झाल्या आहेत. तसेच, महाराष्ट्र पोलीस अकादमीमध्ये तिघे रूजू होणार आहेत. पदोन्नती झालेल्या पोलीस निरीक्षकांचे महासंचालक रश्मी शुक्ला यांनी अभिनंदन केले आहे. (latest marathi news)

- नाशिकला आले

कीर्ती पाटील (बीडीडीएस, नाशिक), योगेश राजगुरु (जात प्रमाणपत्र पडताळणी समिती, नाशिक),

- नाशिकमधून बाहेर

राजू पठाण (पोलीस प्रशिक्षण केंद्र, खंडाळा), सुजित ठाकरे (ना.ग्रा.मधून पोलीस प्रशिक्षण केंद्र, अकोला), सचिन जाधव (मुंबई), नीता कायटे (ना.ग्रा.मधून मुंबई शहर), उमा गवळी (मुंबई शहर), नितीन खैरनार (मुंबई शहर), रामचंद्र कर्पे (ना.ग्रा.मधून लोहमार्ग,मुंबई), दत्तात्रय लांडगे (ना.ग्रा.मधून मुंबई शहर), सारिका थोरात (मुंबई शहर),

- पोलीस अकादमीत

जगदीश पवार (जालना), चारू भारती (नवी मुंबई), मनिषा जाधव (राज्य गुप्तवार्ता, ठाणे)