मालेगाव (जि. नाशिक) : येथील सोयगाव भागातील अनेक नवीन वसाहतीमधील रस्त्यांची दुरवस्था (Damaged Road) झाली आहे. येथील सोयगाव-टेहेरे चौफुली ते चर्च गेट रस्त्याचे काम संथ गतीने सुरु आहे. अनेक भागातील कॉलनीतील रस्ते चिखलमय (Muddy) झाले आहेत.

या रस्त्यांना अच्छे दिन कधी येणार आहेत, असा प्रश्‍न नागरीक उपस्थित करीत आहेत. चिखलामुळे वाहनचालकांना व पायी चालणाऱ्या नागरीकांना या समस्यांना तोंड द्यावे लागत आहे. (main roads in soygaon Parijat Colony are in bad condition nashik latest marathi news)

बांधकाम विभागातर्फे सोयगाव- टेहेरे चौफुली ते चर्च गेट रस्त्याचे काम ३० जूनपर्यंत होणार असल्याचे सांगितले होते. मुदतीच्या १५ दिवसानंतरही रस्त्याचे काम पूर्ण झालेले नाही. या भागातील अनेक कॉलनीतील रस्त्यांना कधी सुगीचे दिवस येणार, शहरात आठवडाभरापासून जोरदार पाऊस पडत आहे.

त्यामुळे वसाहतींमधील कच्च्या रस्त्यांवर चिखलाचे साम्राज्य पसरले आहे. जणू या ठिकाणी रस्ताच नाही अशी परिस्थिती नवीन वसाहतीत झाली आहे. अनेक नागरीक व शाळकरी मुलांना रस्ते खराब असल्यामुळे शाळेत पाठवत नाहीत. पारिजात कॉलनी, रवींद्र मेडिकल ते सूर्यवंशी लॉन्सपर्यंतच्या रस्त्यांची तीव्र दुर्दशा झाली आहे.

या भागातील सर्वात जुनी पारिजात कॉलनी व रवींद्र मेडिकल- सूर्यवंशी लॉन्सलगत कॉलन्या आहेत. या भागात आतापर्यंत पक्का रस्ताच नाही. या परिसरात छोट्या मोठ्या अपघातांना नागरिकांना सामोरे जावे लागत आहे. या रस्त्यांवर दुचाकी व पायी चालणाऱ्या नागरिकांना अपघाताचा सामना करावा लागला.

त्यामुळे अनेक नागरिकांना रस्त्यांमुळे दवाखान्यांचा खर्चात भर पडली आहे. परिसरातील रस्ते तातडीने दुरुस्ती करावेत, अन्यथा या भागातील महिलांकडून महापालिका प्रशासन व लोकप्रतिनिधींच्या विरोधात तीव्र मोर्चा काढण्यात येणार असल्याचे परिसरातील महिलांनी सांगितले.