नाशिक : पीक पद्धतीतील बदलामुळे मक्‍याचे उत्पादन मोठ्या प्रमाणात घेतले गेले. त्यामुळे केंद्र सरकारला 0.25 लाख टन मका खरेदीचे उद्दिष्ट पूर्ण होऊन खरेदी बंद करावी लागली. प्रत्यक्षात शेतकऱ्यांकडे मका मोठ्या प्रमाणात शिल्लक असल्याने खरेदीचे उद्दिष्ट नऊ लाख टनांपर्यंत वाढवून द्यावे. मका खरेदीची मुदतवाढ 15 जुलैपर्यंत मिळावी, अशी मागणी राज्य सरकारने केंद्राकडे केली आहे. अन्न व नागरी पुरवठामंत्री छगन भुजबळ यांनी ही माहिती दिली. 

हेही वाचा > धक्कादायक! लहान भावाने मोठ्या भावाच्या डोक्यात घातला दगड..जागीच ठार...कारण वाचून व्हाल थक्क..

श्री. भुजबळ म्हणाले, की केंद्र सरकारने महाराष्ट्र सरकारला खरीप पणन हंगाम 2019-20 (रब्बी) अंतर्गत 0.15 लाख टन ज्वारी (हायब्रीड) आणि 0.25 लाख टन मका खरेदी करण्यास मान्यता दिली. खरेदीची अंतिम मुदत 30 जून 2020 पर्यंत दिली होती. मात्र, उद्दिष्ट पूर्ण झाल्याने राज्यातील मका खरेदी केंद्र बंद करण्याची वेळ आली आहे. प्रत्यक्षात शेतकऱ्यांकडे मोठ्या प्रमाणात मका शिल्लक असल्याने महाराष्ट्र राज्य मार्केटिंग फेडरेशन आणि आदिवासी विकास महामंडळाची किमान आधारभूत सरकारी खरेदी केंद्रे सुरू करण्याची शेतकऱ्यांची मागणी आहे. राज्यातील शेतकऱ्यांची संपूर्ण मका खरेदी करण्यासाठी केंद्र सरकारने राज्याची मागणी मान्य करावी, अशी विनंती करण्यात आली आहे.  

हेही वाचा > अंत्यविधीची सुरू होती तयारी...अन् 'ती' एक बातमी येताच सगळ्यांनाच फुटला घाम..