नाशिक : संगीताच्या तालावर मनसोक्त थिरकताना तरुणाई.. वाऱ्याच्या दिशेचा वेध घेत पतंगाला ढील देताना पतंगबाज.. असा शहरी भागात पतंगबाजीचा उत्साह बघायला मिळाला. रविवारी (ता. १५) दिवसभर रंगबेरंगी पतंगांनी आसमंत व्यापले होते.
पतंग कापताना ‘गई बोल रे धिना’ चा नारा ऐकायला मिळाला. सायंकाळी सूर्यास्तापर्यंत पतंगबाजीचा उत्साह कायम टिकून होता. (Makar Sankranti Festival sky covered with colorful kites Kite flying started in city nashik news)
कोरोना महामारीमुळे गेली दोन वर्षे सण- उत्सव साजरे करण्यावर निर्बंध आलेले होते. या वर्षी सर्वच उत्साह धुमधडाक्यात साजरे केले जाता आहेत. मकरसंक्रांतीनिमित्तही असाच उत्स्फूर्त प्रतिसाद बघायला मिळाला. सकाळपासून बच्चे कंपनीसह युवा वर्गाने आपली पावले इमारतीच्या गच्चीकडे, मोकळ्या मैदानाकडे वळविली होती.
वाहत्या हवेचा अंदाज घेताना पतंगबाजीला सुरवात करण्यात आला. हा आनंद द्विगुणित करण्यासाठी अनेक ठिकाणी संगीत व्यवस्था करण्यात आलेली होती. ध्वनिक्षेपकावरील हिंदी, मराठी गाण्यांवर थिरकताना तरुणाईने मौजमजा केली.
पतंग, मांजा खरेदीची लगबग सुरूच
सायंकाळी उशिरापर्यंत पतंग, मांजा खरेदीची लगबग सुरूच होती. दूध बाजार, जुने नाशिक भागातील दुकानांवर खरेदीसाठी ग्राहकांची वर्दळ बघायला मिळाली. याशिवाय उपनगर भागांमध्ये पतंग, मांजा विक्रीची दुकाने चौकाचौकांमध्ये थाटलेली होती. येथून पतंग व मांजा, रीळ खरेदीला चांगला प्रतिसाद मिळत होता.
हेही वाचा : सूर्यकुमार...भारतीय क्रिकेट मधला 'लंबी रेस का...'
पतंग जीवघेणी धाव
पतंगोत्सवात चित्तथरारक भाग असलेली पतंग कापण्याची स्पर्धा अनेक ठिकाणी बघायला मिळाली. त्यातच कापलेली पतंग झेलण्यासाठी चिमुकल्यांकडून जीवघेणी धाव सुरू अहेही वाचा : सूर्यकुमार...भारतीय क्रिकेट मधला 'लंबी रेस का...'सल्याचे चित्र अनेक ठिकाणी बघायला मिळाले. तसेच, कापलेल्या पतंगापासून तुटलेला मांजा विद्युत पुरवठा करणारे खांब, वायरसह झाडांवर अडकल्याचेही बघायला मिळाले.
पतंगोत्सवाची क्षणचित्रे..
* सुमारे दहा तासांहून अधिक वेळ पतंगोत्सवाचा धम्माल
* रात्री आकाशात आढळल्या दिवा पतंग
* अनेकांनी सहकुटुंब, मित्र- परिवारासोबत लुटला पतंगबाजीचा आनंद.
* युवकांप्रमाणे युवतींमध्ये पतंग उडविण्याची राहिली उत्सुकता.
* चिमुकल्यांनीही रीळ हाती घरत पतंगबाजीचा केला सराव
* सोशल मीडियावर पतंगोत्सवाचे व्हिडिओ, छायाचित्रे व्हायरल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.