मालेगाव (जि. नाशिक) : शहर व परिसरात ऊन कमी होण्याचे नाव घेत नाही. उन्हाच्या झळांनी मालेगावकर त्रस्त झाले आहेत. शुक्रवारी (ता. ६) पारा ४३.२ अंशावर होता.

शुक्रवारी (ता. ६) बाजाराचा दिवस असल्याने भर उन्हात बाजारपेठांमध्ये गर्दी होती. भाजीपाला खरेदीसाठी नागरिक दुपारी चारनंतर घराबाहेर पडले. गुरुवारी (ता.५) पारा ४३.६ अंशावर होता. तापमान ४४ अंशाखाली आले असले, तरी उन्हाची तीव्रता कायम असून, ग्रामीण भागातील बहुतेक नागरिक अजून शहरात येत नाहीत. शुक्रवारी दिवसभर कडक ऊन (Hot Weather) पडले होते. सायंकाळी पाचनंतर काही प्रमाणात ढगाळ वातावरण (Cloudy Environment) निर्माण झाले होते. त्यामुळे उकाड्याने त्रस्त झालेल्या नागरिकांना दिलासा मिळाला.