नाशिक / लखमापूर : मार्चअखेर देशात कोरोनामुळे देश लॉकडाऊन झाला आणि देशातील सर्वच घडी विस्कटली. शहरापासून ते ग्रामीण भागापर्यंत झळा बसल्या. अनेकांची कामे गेली तर अनेकांचे व्यवसाय बंद पडले. परप्रांतियांनी घराकडची वाट धरली. मात्र कोरोनात आपला व्यवसाय बंद पडल्यानंतर नाशिक जिल्ह्यातील दिंडोरी तालुक्‍यातील एका व्यवसायिकाने हताश न होता उंच झेप घेतली.
पुन्हा उंच झेप घेण्याचा मानस
दिंडोरी तालुक्‍यातील जानोरी येथील फकिरा काशे सात ते आठ वर्षांपासून गावात चहाचा गाडा चालवून उदरनिर्वाह करत होता. कोरोनात त्यांचा व्यवसाय बंद पडला. मात्र व्यवसाय बंद पडल्यानंतरही त्याने हताश न होता आणि संसाराचा गाडा चालविण्यासाठी शेतमजुरी करण्यास सुरवात केली. यासाठी त्यांना त्यांच्या कुटुंबाची देखील मदत झाली. सर्व परिस्थिती पूर्वपदावर आल्यानंतर पुन्हा उंच झेप घेण्याचा मानसही जोपासला आहे. लहान असतानाच फकिरा यांच्या आई-वडिलांचे निधन झाले आणि कुटुंबाची जबाबदारी त्यांच्यावर आली. फकिरा यांनी खचून न जाता मित्रपरिवार आणि नातेवाइकांकडून उसने पैसे घेत गावात हातगाडीवर चहाविक्रीचा व्यवसाय सुरू केला. चांगला सुरू असलेला चहा विक्रीचा व्यवसाय बंद पडल्यानंतर त्याने हताश न होता कुठलेही काम करण्याची तयारी दर्शवत लाज न बाळगता शेतात मजुरीचे काम स्वीकारत आपल्या कुटंबाचा उदरनिर्वाहर सुरू ठेवला.
आपल्या संसाराचा ठेवला गाडा सुरू
चहाच्या चवीमुळे फकिरा यांचे चांगलेच नाव गावात झाले आणि त्यांचा या व्यवसायात जम बसला. चहाच्या गाड्यावर त्याने आपल्या तीन बहिणींचे लग्न केले. घराची दुरुस्तीही केली. मुलांचे शिक्षणही सुरू केले. मात्र, देशात कोरोनाचा शिरकाव झाला आणि लॉकडाउनमुळे त्यांना आपला व्यवसाय बंद करावा लागला. व्यवसाय बंद झाल्यावर फकिरा हताश झाले नाही. त्यांनी आपल्या भागातील काही युवकांना बरोबर घेत शेतमजुरीची कामे सुरू केली आणि आपल्या संसाराचा गाडा सुरू ठेवला आहे.
न लाजता मजुरीची काम
कुटुंब चालविण्यासाठी चरितार्थाचा कोणताच मार्ग नसल्याने खचून न जाता मी व माझे कुटुंब न लाजता मजुरीची काम करत आहेत. लॉकडाउन पूर्णपणे उठल्यानंतर पुन्हा चहाचा व्यवसाय सुरु करून पूर्ववत होण्यासाठी प्रयत्नशील राहील. -फकिरा काशे (चहा व्यावसायिक)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.