नाशिक : आयपीएल (IPL) बेटिंगबाबत कारवाई न करता, ती तशीच सुरू ठेवण्यासाठी ग्रामीण पोलिस विभागातील उपनिरीक्षकाला तीन लाखांची लाच घेताना लाचलुचपत प्रतिबंधक विभागाने सापळा रचत पकडले. त्याच्या सोबत एका खासगी व्यक्तीला पकडण्यात आले आहे. संशयित उपनिरीक्षक ग्रामीण पोलिस दलात गुन्हे शाखेत नेमणुकीला आहे.
महेश वामनराव शिंदे (वय ३८) असे संशयित उपनिरीक्षक, तर संजय आझाद खराडे (४५) असे त्यांच्या सोबत पकडलेल्या खासगी व्यक्तीचे नाव आहे. या दोघांनी चार लाख रुपयांच्या लाचेची मागणी करीत, तीन लाख रुपयांची लाच स्वीकारल्याचा आरोप आहे. देवळाली कॅम्प येथील तक्रारदाराच्या सदनिकेवर आयपीएल क्रिकेट सामन्याचे बेटिंग सुरू असल्याने त्याबाबत तक्रारी येत असल्याचे तक्रारदारास सांगून तक्रारदाराविरोधात गुन्हा दाखल न करण्यासाठी तसेच आयपीएल मॅच बेटिंगचा धंदा सुरळीत चालू ठेवण्यासाठी संशयित उपनिरीक्षक महेश शिंदे यांच्या सांगण्यावरून शनिवारी (ता. २५) चार लाखांची लाच खासगी व्यक्तीने मागितली होती. या प्रकरणी तक्रारदाराने लाचलुचपत प्रतिबंधक विभागाकडे तक्रार केल्यानंतर गुरुवारी संशयितासह त्याच्यासोबत खासगी व्यक्तीला तीन लाखांची लाच स्वीकारताना पकडण्यात आले.
पोलिस अधीक्षक सुनील कडासने, प्रभारी अधीक्षक सतीश भामरे यांच्या मार्गदर्शनाखाली पोलिस निरीक्षक जयंत शिरसाठ, अभिषेक पाटील, निरीक्षक मीरा आदमाने, हवालदार प्रफुल्ल माळी, पोलिस नाईक नितीन कराड, प्रभाकर गवळी, प्रवीण महाजन, शिरीष अमृतकर आदीच्या पथकाने ही कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.