नाशिक : (चांदवड) तालुक्यातील दहेगाव मनमाड येथील रहिवासी असलेले 60 वर्षीय पुरुष व चांदवडच्या कोविड हेल्थ सेंटर येथे कार्यरत असलेल्या सद्या चांदवड येथील ड्युटी संपवुन नाशिक येथे वास्तव्यास असलेल्या एका नर्सचा अहवाल कोरोना पॉझिटिव्ह आल्याने तालुक्यातील जनतेत पुन्हा चिंतेचे वातावरण झाले आहे.

सहकारी महिला नर्स यांचा अहवाल निगेटिव्ह

दहेगाव येथील रूग्णाला सर्दी व खोकला असल्याने मनमाड उपजिल्हा रुग्णालय येथे तपासणीसाठी भरती केले असता त्यांचा स्वॅब घेण्यात आला होता. त्यांचा अहवाल पॉझिटिव्ह आल्याने व त्यांची ऑक्सिजन मात्रा कमी झाल्याने त्यांना नाशिक सामान्य रुग्णालय येथे पुढील उपचारासाठी भरती करण्यात आले आहे. त्यांच्या संपर्कातील 6 व्यक्ति यांना काल शुक्रवार (ता. 5) नेमिनाथ येथील डी सी एच सी केंद्रात भरती करण्यात येऊन त्यांचे स्वॅब आज शनिवारी (ता. 6) घेण्यात आले असून अहवाल प्रलंबित आहेत. चांदवड येथील नेमिनाथ मेडिकल कॉलेज येथे कार्यरत असलेल्या डी सी एच सी सेंटरमधील नर्स व कर्मचारी असे एकूण तीन जणांचे स्वॅब काल तपासणीसाठी पाठविण्यात आले होते त्यांचे आज अहवाल प्राप्त झाले.

एकूण तीन जणांचे स्वॅब तपासणी

त्यापैकी एक 37 वर्षीय महिला नर्स पॉझिटिव्ह आलेल्या आहेत. त्यांची ड्युटी रविवारी संपून त्यांना त्यांच्या सरकारी निवासस्थानी क्वारंटाईन करण्यात आलेले होते. त्यांचे कुटुंबीय नाशिक येथे राहतात. क्वारंटाईन कालावधीत त्यांचे कुटुंबीय त्यांच्यासोबत नव्हते. त्यांच्यासोबत क्वारंटाईन असलेल्या सहकारी महिला नर्स यांचा अहवाल निगेटिव्ह आला आहे. दरम्यान तालुका वैद्यकीय अधिकारी डॉ. पंकज ठाकरे यांनी तात्काळ दहेगाव येथे स्वत: उपस्थित राहुन वैद्यकीय पथकासह गावातील आरोग्याची पाहणी केली.

हेही वाचा > काय सांगता...कोरोनाबाधित रुग्ण पाचव्या दिवशीच जाणार घरी?...पण

आरोग्य विभागाच्या कर्मचाऱ्यांना आवश्यक त्या सूचना केल्या. तालुक्या तील नागरिकांनी शासनाचे सर्व नियमांचे पालन करावे, अनावश्यक कारणासाठी बाहेर फिरू नये, बाहेर जाताना मास्क वापरावा व सामाजिक अंतर तसेच भौतिक अंतर किमान एक मीटरचे ठेवावे, काळजी घ्यावी. घाबरून जाऊ नये असे आवाहन चांदवडचे प्रांताधिकारी सिद्धार्थ भंडारे, तहसीलदार प्रदिप पाटील यांनी केले आहे.

हेही वाचा >...अन्यथा सरकारी कर्मचाऱ्यांचे वेतन कापणार...वाचा सविस्तर