उंबरमाळ (जि. नाशिक) : गेल्या आठ-दहा दिवसांपासून पडत असलेल्या मुसळधार पावसामुळे (heavy rain) पेठ तालुक्यातील बोरपाडा-घनशेत मार्गावर मोठ्या प्रमाणात भूस्खलन (Landslide) झाले असून या रस्ता आणि डोंगराला मोठ्या भेगा पडल्या असून मोठ्या प्रमाणात दरड देखील कोसळली आहे. (Massive landslide in Peth taluka nashik latest Marathi news)

या मार्गावर पाच ते सहा पाडे असल्याने या ठिकाणी धोकादायक प्रवास ग्रामस्थ करीत असल्याचे चित्र बघावयास मिळत आहे. भूस्खलन मोठ्या प्रमाणात झाल्याने या डोंगराच्या पायथ्याशी असलेल्या उंबरमाळ गावाला मोठा धोका निर्माण झाला असून हि दरड कोसल्यास पाडा नामशेष होण्याची शक्यता निर्माण झाली असून खबरदारीचा उपाय म्हणून प्रशासनाने पूर्ण गाव रिकामे केले असून त्यांची राहण्याची व्यवस्था खरपडी पाड्यावरील आश्रमशाळेत करण्यात आली आहे.