नाशिक : ओळखीतून मोबाईल क्रमांक घेऊन वारंवार मेसेज करणे व स्वत:च्या घरी घेऊन येऊन अल्पवयीन मुलीवर बलात्कार केल्याप्रकरणी गुन्हा दाखल करण्यात आला आहे. भूषण शेवाळे (२१, रा. आशापुरी सोसायटी, सरस्वतीनगर), असे संशयिताचे नाव आहे. (Minor girl assaulted by blackmailing Nashik Crime Update latest marathi news)

मुलीच्या फिर्यादीनुसार, संशयिताने वारंवार तिचा पाठलाग करून ओळख वाढविली आणि तिचा मोबाईल क्रमांक मिळविला. त्यानंतर त्याने व्हॉटस ॲप व मोबाईलवर मेसेजेस पाठवून बळजबरीने तिच्यावर अत्याचार केले.

त्यानंतर तिला तो एप्रिल २०२१ ते २९ जुलै २०२२ दरम्यान वारंवार ब्लॅकमेल करून घरी, तसेच परिसरातील टर्फ क्रिकेट ग्राउंड भागातील मोकळ्या प्लॉटमध्ये घेऊन जाऊन अतिप्रसंग केला. संशयिताकडून होणाऱ्या अत्याचाराला कंटाळून तिने सदर बाब तिच्या आईला सांगितल्यानंतर प्रकार समोर आला.

याप्रकरणी म्हसरूळ पोलिस ठाण्यात बलत्कारासह बाल लैंगिक अत्याचार संरक्षण (पोक्सो) कायद्यान्वये गुन्हा दाखल करण्यात आला आहे. अधिक तपास उपनिरीक्षक माळी करीत आहेत.