नाशिक : महाराष्ट्रात कोरोना व्हायरसने थैमान घातले आहे. जीवघेण्या या व्हायरसशी सगळेच लढा देत आहेत. अशातच नाशिकरोडच्या सिन्नर फाटा येथे एक संतापजनक प्रकार घडला आहे. काही संशयित भाच्याशी भांडण करीत होते. त्यावेळी पीडित महिला थांबल्या असता त्यांच्यासोबत संतापजनक प्रकार घडला आहे.

असा घडला प्रकार

पीडित महिलेच्या फिर्यादीनुसार गेल्या मंगळवारी (ता. 26) दुपारी चारच्या सुमारास त्या मुलासह ऍक्‍टिवावरून सिन्नर फाटा येथे जात होत्या. त्यावेळी सिन्नर फाटा येथे त्यांच्या भाच्याशी संशयित भांडण करीत होते. त्यावेळी पीडित महिला थांबल्या असता, संशयित हुसेन फिरोज शेख याने पीडितेचे केस धरून आपटले आणि लज्जा उत्पन्न होईल असे कृत्य केले. तसेच, संशयितांनी महिलेवर रस्त्यावर पाडून शिवीगाळ करीत लाथाबुक्‍क्‍यांनी मारहाण केली. याप्रकरणी नाशिकरोड पोलिसात विनयभंगासह मारहाणीचा गुन्हा दाखल करण्यात आला असून महिला सहाय्यक निरीक्षक एम.बी. राऊत या तपास करीत आहेत.

हेही वाचा > ''तिच्या आईवडिलांनी आमच्या लग्नाला परवानगी नाकरली.. म्हणूनच मी तिच्यासोबत.. ''..माथेफिरू युवकाची धक्कादायक जबानी

चौघांविरोधात गुन्हा दाखल

नाशिकरोडच्या सिन्नर फाटा येथे महिलेचा विनयभंग करून मारहाण केल्याप्रकरणी चौघांविरोधात गुन्हा दाखल करण्यात आला आहे. इकबाल शेरू शेख, हुसेन फिरोज शेख, अश्‍पाक शेख, अक्षय धुमाळ (रा सर्व रा. सिन्नरफाटा परिसर) असे संशयितांची नावे आहेत.

हेही वाचा >  अपुऱ्या पोलीसांच्या मनुष्यबळामुळे शिक्षकाला चेकपोस्टवर लावली ड्युटी.. अन् चेकपोस्टवरच मोठा अपघात