नाशिक : पाथर्डी फाटा येथील प्रभाग क्रमांक ३१ मधील शिवसेनेच्या नगरसेविका संगीता जाधव यांनी नुकताच शिंदे गटात प्रवेश केला.

मात्र ज्या दिवशी प्रवेश करायचा त्या दिवशी पहाटे त्यांचे पती तथा माजी नगरसेवक अमोल जाधव यांनी याबाबत माहिती दिल्याचा खुलासा नुकताच त्यांनी केला.

शिंदे गटाचे नवनियुक्त जिल्हाप्रमुख अजय बोरस्ते आणि सहसंपर्क प्रमुख राजू लवटे यांच्या स्वागतासाठी पाथर्डी फाटा येथे कार्यक्रम घेण्यात आला. त्यावेळी सौ. जाधव भाषणात म्हणाल्या, की त्यादिवशी प्रवेश करण्यासाठी कोण कोण गेले याची चौकशी मी करत होते. (Naro Shankarachi Ghanta Sakal Special Crime Comedy tragedy Nashik News)

प्राप्तिकर उत्पन्न सवलत मर्यादा वाढणार?

पहाटे मात्र मला अमोल जाधव यांनी सांगितले, की चल आपल्याला शिंदे गटात प्रवेश करण्यासाठी निघायचे आहे. तेव्हा मला आश्चर्याचा धक्का बसला, कारण त्या क्षणापर्यंत याविषयी घरात चर्चा देखील झाली नव्हती.

परंतु पती जर हा निर्णय घेत असतील तर तो योग्यच असेल असा विचार करून त्यांच्यासोबत निघाले आणि बाळासाहेबांच्या शिवसेनेत दाखल झाले. हा खुलासा त्यांनी केल्यानंतर मात्र व्यासपीठावरील आणि समोर उपस्थित असलेल्या सर्वांचीच चांगली करमणूक झाली.