जिल्ह्यात सध्या ठाकरे गट आणि शिंदे गट यांच्यात पदाधिकारी, कार्यकर्ते यांची पळवापळवीची सुरू आहे. एकमेकांच्या समोर येणे टाळत प्रसार माध्यमातून आरोप प्रत्यारोप केले जात आहे. अन्य पक्ष बघ्याची भूमिका घेत आहे.

अशात शिवजन्मोत्सवाने दोन्ही गटांसह अन्य पक्षांना एकत्र आणून सोडले. मध्य नाशिक शिवजन्मोत्सव समितीच्या मंडपाचे साक्षी गणेश मंदिरासमोर भूमिपूजन करण्यात आले. (Naroshankar Chi ghanta politics crime comedy tragedy nashik news)

हेही वाचा : ढोलेरा- ग्रीनफिल्ड सिटी आणि महाप्रचंड औद्योगिक हब...

या कार्यक्रमास ठाकरे आणि शिंदे गटासह काँग्रेस आणि मनसे पक्षाचे पदाधिकारी उपस्थित राहिले. शहराच्या राजकारणातील मोठे पदाधिकारी एकत्र आल्याने परिसरातील नागरिकांना आता काय होते याची उत्सुकता लागून होती.

यातीलही काही चालत्या गाडीत बसण्याचा प्रयत्न करत शिंदे गटवासीय होतात की आपली गाडी बरी असे म्हणत विचारावर कायम राहतात याचीच जोरदार चर्चा सुरू होती. राजकारण है, तो सबकुछ मुनकीन है असे काही नागरिकांच्या तोंडातून बाहेर पडले. तर काहींनी हो, ना काही सांगता येत नाही, असे म्हणत तेथून आपला मार्ग काढला.