Nashik 11th Admission : अकरावीच्‍या प्रवेशासाठी ऑनलाइन केंद्रीभूत प्रवेश प्रक्रियेत नोंदणी करून अर्जाचा भाग एक भरण्याची वाढीव मुदत बुधवारी (ता. १४) संपली. त्‍यानुसार २२ हजार ०४६ विद्यार्थ्यांनी नोंदणी केली आहे. (Nashik 11th Admission Registration of 22 thousand students news)

तर यापैकी १४ हजार ०४८ विद्यार्थ्यांनी अर्जाचा भाग दोन भरला असून, एक हजार ३७३ विद्यार्थ्यांनी कोट्यांतर्गत जागांसाठी प्रवेश अर्ज दाखल केला आहे. अर्जाचा भाग दोन भरण्याची अंतिम मुदत शनिवारी (ता. १७) पर्यंत आहे.

नाशिक महापालिका क्षेत्रातील ६४ कनिष्ठ महाविद्यालयांमध्ये उपलब्‍ध असलेल्‍या २३ हजाराहून अधिक जागांसाठी केंद्रीभूत प्रवेश प्रक्रिया राबविली जाते आहे.

हेही वाचा : Credit Card फसवणूक....काय घ्याल काळजी?

याअंतर्गत पहिल्‍या नियमित फेरीत सहभागासाठी अर्जाचा भाग एक भरण्याकरिता बुधवारपर्यंत मुदत दिलेली होती.

या मुदतीत नोंदणीकृत विद्यार्थ्यांनी अर्जाचे प्रमाणिकरण करून घ्यायचे होते. या वाढीव मुदतीला चांगला प्रतिसाद मिळाला असून, १९ हजार विद्यार्थ्यांनी आपले अर्ज लॉक केलेले आहेत. सध्या अर्जाचा भाग दोन भरण्याची मुदत उपलब्‍ध आहे. वाढीव मुदतीत सुमारे १७ ते १८ हजार विद्यार्थी प्रवेश फेरीत सहभागी होण्याची शक्‍यता वर्तविली जाते आहे.