Nashik ZP News : मतदार संघातील जिल्हा परिषद प्राथमिक व माध्यमिक शाळांची इमारती वर्गखोल्या आणि स्वच्छतागृहाच्या विशेष दुरुस्तीसाठी पायाभूत सुविधा निर्माण करण्यासाठी २ कोटी ६६ लाखांचा निधी मंजूर करण्यात आला आहे. यामुळे या शाळांना झळाळी मिळणार आहे. राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या विशेष प्रयत्नांतून हा निधी मंजूर झाला आहे. (Nashik 34 schools of Zilla Parishad in Yeola will get fund marathi news)

निधीच्या माध्यमातून मतदारसंघातील ३४ जिल्हा परिषद शाळांमध्ये नवीन वर्ग खोल्या, विशेष दुरुस्ती व पायाभूत सुविधा निर्माण केल्या जाणार आहे. त्यामुळे या शाळांना झळाळी प्राप्त होऊन विद्यार्थ्यांना शिक्षणासाठी आवश्यक त्या सुविधा उपलब्ध होणार आहे.

येवला तालुक्यातील देवरगाव, गोपाळवाडी, फरताळवाडी, साताळी, धनकवाडी, भुलेगांव, ममदापूर, रेंडाळे, पन्हाळसाठे, कोळगांव, सायगांव जिल्हा परिषद शाळेतील नवीन वर्ग खोल्यांसाठी प्रत्येकी ९ लाख ९० हजार, खामगांव जिल्हा परिषद शाळेसाठी १९ लाख ८० हजार, आहेरवाडी, खामगांव जिल्हा परिषद शाळेसाठी प्रत्येकी ८ लाख ५० हजार, वडगांव बल्हे, बोकटे, लमानतांडा, अनकाई, तळवाडे, कौटखेडा, डोगरगांव,मुखेड, खरवंडी, भारम, कुसमाडी, नगरसुल शाळेसाठी प्रत्येकी ४ लाख २५ हजार निधी मंजूर करण्यात आला आहे. (latest marathi news)

निफाड तालुक्यातील कानळद, खानगाव नजिक, वाकद, विंचूर जिल्हा परिषद शाळेतील नवीन वर्ग खोल्यांसाठी प्रत्येकी ९ लाख ९० हजार, प्रतापसागर, टाकळी विंचूर जिल्हा परिषद शाळेसाठी प्रत्येकी ४ लाख ४५ हजार, धारणगाव वीर, वाकद, जिल्हा परिषद शाळेसाठी प्रत्येकी ८ लाख ५० हजार निधी मंजूर करण्यात आला आहे. या शाळांच्या नवीन वर्ग खोल्या, विशेष दुरुस्ती व पायाभूत सुविधांच्या कामाला लवकरच सुरुवात होणार आहे.